જાણવા જેવું / Valentine’s Day પર ભારતીયો સૌથી વધુ ક્યાં સર્ચ કરી રહ્યાં છે પોતાની જીવનસાથીને, સર્વેમાં આવ્યું ચોંકાવનારું પરિણામ

• ડેટિંગ એપ્સ પર પણ લોકો પાર્ટનર શોધી રહ્યા છે
• મેટ્રો સિટીની બહાર પણ ઓનલાઈન ડેટિંગ એપ્સનો ઉપયોગ વધી રહ્યો છે
• ડેટિંગ એપ્સના યુઝર્સ ઝડપથી વધી રહ્યા છે

આજે Valentine's Day છે. ઘણા લોકો પાર્ટનર શોધી રહ્યા છે. પરંતુ કોરોના બાદ પરિસ્થિતિ ઘણી બદલાઈ ગઈ છે. હવે ઓનલાઈન ડેટિંગ એપ્સ પર પણ લોકો પાર્ટનર શોધી રહ્યા છે. એક રિપોર્ટમાં જણાવવામાં આવ્યું છે કે મેટ્રો સિટીની બહાર પણ ઓનલાઈન ડેટિંગ એપ્સ પર લોકો પાર્ટનર શોધી રહ્યા છે. 

લાઈવમિંટના એક રિપોર્ટમાં જણાવવામાં આવ્યું છે કે Tinder, Bumble અને TrulyMadly જેવી ડેટિંગ એપ્સના યુઝર્સ ઝડપથી વધી રહ્યા છે. તેનો ઉપયોગ હવે માત્ર મેટ્રો શહેરોમાં જ નહીં પરંતુ અમદાવાદ, સુરત, લખનઉ, જયપુર, ચંદીગઢ અને પટના જેવા શહેરોમાં પણ લોકો આ એપ્સનો ઉપયોગ કરવા લાગ્યા છે.

રિપોર્ટમાં એવો પણ દાવો કરવામાં આવ્યો છે કે વર્ચ્યુઅલ ડેટ્સ ધીમે ધીમે સામાન્ય થઈ રહી છે. છોકરીઓ આ ડેટિંગ એપ્સ પર વધુ વોકલ થઈ રહી છે. રિપોર્ટ અનુસાર, 72 ટકા લોકો માને છે કે તેઓ મળ્યા વગર ઓનલાઈન પ્રેમમાં વિશ્વાસ રાખે છે.

મોટાભાગના ભારતીયો વીડિયો ડેટિંગ એપ Tinderનો ઉપયોગ કરે છે. હૈદરાબાદના લોકો આ સુવિધાનો ઉપયોગ કરવામાં સૌથી આગળ છે. ત્યારબાદ ચેન્નાઈ અને બેંગ્લોરના યુઝર્સ Tinder પર વીડિયો કોલ ફીચરનો ઉપયોગ કરે છે.

યુવાનોમાં ક્રેઝ વધુ
જો કે, રિપોર્ટમાં એવું પણ કહેવામાં આવ્યું છે કે યુવાનો નવા કનેક્શન બનાવવા માટે મળવાનું પણ પસંદ કરી રહ્યા છે. જેમાં ગ્લોબલી 20 ટકાનો ગ્રોથ નોંધાયો છે.   App Annieના એક રિપોર્ટમાં જણાવવામાં આવ્યું છે કે ભારતમાં ડેટિંગ અને ફ્રેન્ડશિપ એપ્સમાં નોંધપાત્ર વધારો થયો છે.

આ કેટેગરીમાં વર્ષ 2022માં અત્યાર સુધીમાં સૌથી ઝડપી વૃદ્ધિ નોંધાઈ છે. એટલે કે મોટાભાગના લોકોએ ઓનલાઈન ડેટિંગ એપ્સનો ઉપયોગ કરવાનું પસંદ કર્યું છે. Tinderના એક રિપોર્ટમાં દાવો કરવામાં આવ્યો છે કે 10માંથી 9 Gen Z ભારતીય ઓનલાઈન ડેટિંગ એપનો ઉપયોગ મિત્ર અથવા પાર્ટનરને શોધવા માટે કરે છે.