પાકિસ્તાન ક્રિકેટ બોર્ડે ઈંગ્લેન્ડના ખેલાડીઓની સુરક્ષા સુનિશ્ચિત કરવામાં કોઈ કસર નથી છોડી અને એવામાં ઇંગ્લેન્ડના બેટ્સમેન હેરી બ્રુકે મેચ પછી આ વિશે ઘણી વાત કરી હતી.
ઇંગ્લેન્ડના બેટ્સમેન હેરી બ્રુકે કર્યો ખુલાસો
'હું જ્યારે ટોઈલેટ જઉં છું ત્યારે કોઈ મારી પાછળ આવે છે.'
ઇંગ્લેન્ડના બીજા ખેલાડીઓ એ પ્રશંસા કરી હતી
પાકિસ્તાનના કરાચીમાં રમાયેલી પહેલી T20 ઈન્ટરનેશનલ મેચમાં ઈંગ્લેન્ડે પાકિસ્તાનને 6 વિકેટેથી હરાવીને સાત મેચોની સીરિઝની શાનદાર શરૂઆત કરી હતી. પણ એ જ સીરિઝની બીજી મેચમાં પાકિસ્તાનના હાથે ઈંગ્લેન્ડને 10 વિકેટે કારમી હારનો સામનો કરવો પડ્યો હતો. જણાવી દઈએ કે ઈંગ્લેન્ડ 17 વર્ષ પછી પાકિસ્તાનમાં રમી રહ્યું છે અને એટલા માટે હાલ પાકિસ્તાનના ક્રિકેટ ચાહકોમાં ઘણો વધુ ઉત્સાહ જોવા મળી રહ્યો છે. આમ તો પીસીબી એટલે કે પાકિસ્તાન ક્રિકેટ બોર્ડે ઈંગ્લેન્ડના ખેલાડીઓની સુરક્ષા સુનિશ્ચિત કરવામાં કોઈ કસર નથી છોડી અને એવામાં ઇંગ્લેન્ડના બેટ્સમેન હેરી બ્રુકે મેચ પછી આ વિશે ઘણી વાત કરી હતી.
જાણો શું બોલ્યા ઇંગ્લેન્ડના બેટ્સમેન હેરી બ્રુકે
સાત મેચોની સીરિઝમાં પાકિસ્તાન સામેની પહેલી મેચમાં ઈંગ્લેન્ડ તરફથી 25 બોલમાં 42 રનની શાનદાર ઇનિંગ રમનાર હેરી બ્રુક્સે પાકિસ્તાન ક્રિકેટ બોર્ડે અને પાકિસ્તાનની સુરક્ષાની સ્થિતિને વિશે વાત કરતાં મસ્તી કરતાં એક ઈન્ટરવ્યુમાં જણાવ્યું હતું કે, 'હું જ્યારે પણ ટોઈલેટ જઉં છું ત્યારે કોઈ મારી પાછળ આવે છે. મેં આવું પહેલાં ક્યારેય નથી કર્યું પણ અહિયાં સારું લાગે છે. અને મને અંહિયા ઘણું સુરક્ષિત લાગે છે અને અમે બધા તેનો આનંદ લઈ રહ્યા છીએ.'
ઇંગ્લેન્ડના બીજા ખેલાડીઓ એ પણ પ્રશંસા કરી હતી
આટલું જ નહીં પણ ઇંગ્લેન્ડના ઓપનર એલેક્સ હેલ્સે પણ સ્ટેડિયમના માહોલ અને લોકોની પ્રશંસા કરી હતી. જણાવી દઈએ કે ઓપનર એલેક્સ હેલ્સ ત્રણ વર્ષમાં પહેલી વખત ઈંગ્લેન્ડ તરફથી રમી રહ્યો છે અને એમને કહ્યું હતું કે "આ ખૂબ જ ખાસ છે, આ પહેલા પણ હું અહીં કરાચીમાં સ્ટેડિયમમાં રમી ચૂક્યો ચુ પણ આ વખતે કઇંક અલગ છે. અંહિયા હાલ વર્લ્ડ ક્રિકેટના સૌથી સારા માહોલમાંથી એક છે."