લાભ / 10.75 કરોડ ખેડૂતોને મળ્યા 1.15 લાખ કરોડ રૂપિયા, આગળનો હપ્તો લેવા માટે ફટાફટ કરાવો રજીસ્ટ્રેશન 

• પીએમ કિસાન યોજનાનો લાભ 
• 1.15 લાખ કરોડ રૂપિયા કર્યા ટ્રાંસફર
• સરળ સ્ટેપમાં કરો રજીસ્ટર 

કેન્દ્રિય કૃષિ મંત્રી નરેન્દ્ર સિંહ તોમરે પીએમ-ખેડૂતની બીજી વર્ષગાંઠ પર એક સમારોહને સંબોધિત કરતા કહ્યું કે સરકારે રાજ્યોને તે સુનિશ્ચિત કરવા કહ્યું છે કે લાભપાત્ર ખેડૂતોને બધા જ લાભ મળે. જો તમે રજીસ્ટ્રેશન નથી કરાવ્યું તો સરળ સ્ટેપ્સમાં કરાવી લો રજીસ્ટ્રેશન. 

1.15 લાખ કરોડ રૂપિયા સીધા ખાતામાં 
આ યોજનાથી અત્યાર સુધી 10.75 કરોડ ખેડૂતોને લાભ મળ્યો છે અને કેન્દ્રએ 1.15 લાખ કરોડ રૂપિયા ખેડૂતોના ખાતામાં સીધા ટ્રાંસફર કર્યા છે. આ સ્કીમ હેઠળ મોદી સરકાર ખેડૂતોને 2000 રૂપિયાના 3 હપ્તા આપે છે એટલે કે વર્ષે 6000 રૂપિયા મોકલે છે. 

ઓનલાઇન રજીસ્ટ્રેશન કરાવવાની પ્રક્રિયા 
આ સ્કીમમાં રજીસ્ટ્રેશન કરાવવુ આસાન છે. તમે ઓનલાઇન ઘરે બેઠા જ આ પ્રોસેસ પૂર્ણ કરી શકો છો. આ સિવાય તમે પંચાયત કે સ્થાનિક કોમન સર્વિસ સેન્ટર જઇને પણ યોજના માટે અપ્લાય કરી શકો છો. આ સિવાય તમે જાતે પણ રજીસ્ટ્રેશન કરાવી શકો છો. 

આ રીતે કરાવો રજીસ્ટ્રેશન 

• પહેલા તમારે PM kisanની ઓફિશીયલ વૅબસાઇટ પર જવાનુ રહેશે
• ત્યાં તમને ન્યુ ફાર્મર રજીસ્ટ્રેશન વિકલ્પ દેખાશે તેના પર ક્લિક કરો
• આ બાદ જ આધાર નંબર નાંખવાનો રહેશે
• તે સાથે કેપ્ચા કોડ નાંખીને રાજ્ય સિલેક્ટ કરો અને પ્રોસેસને આગળ વધારો 
• આ ફોર્મમાં તમારે પર્સનલ જાણકારી ભરવી પડશે
• સાથે જ બેઁક અકાઉન્ટ અને ખેતીથી જોડાયેલી જાણકારી ભરવી પડશે
• જે બાદ ફોર્મ સબમિટ કરી દો