પાંડેસરાના ડૉન, ભૂરી ડોન ગેંગના આતંક બાદ હવે બુટલેગર શિવા ગેંગે સુરત માથે લીધું...
સુરતમાં અસામાજિક તત્વો બેફામ
બુટલેગરે જાહેરમાં કરી તોડફોડ
બાતમી આપી હોવાની વાતને લઈને તોડફોડ
સુરતમાં દિવસે ને દિવસે કાયદો અને વ્યવસ્થા કથળી રહ્યા હોય તેવી સ્થિતિનું નિર્માણ થઈ રહ્યું છે. ક્રાઇમનું હબ બની રહેલું સિટી હવે સભ્ય સમાજના નાગરિકો માટે ભય અને ત્રાસ ઊભો કરી રહ્યું હોય તેવી લાગી રહ્યું છે. બુટલેગર શિવા અને તેના સાથીઓનો સરેઆમ જાણે પોલીસનો ડર ન હોય તેમ ભર બજારમાં લાકડી ધોકા લઈ ગાળો બોલી રહ્યા છે. દાદાગીરી કરી રહ્યા છે.સુરત ગૃહરાજ્યમંત્રી હર્ષ સંઘવીનું હોમ ટાઉન છે છતાંય પોલીસ આવા ગુડા તત્વો સામે કોઈ કડક એક્શન ન લેતા અનેક સવાલો ઊભા થાય છે.
બુટલેગર શિવા અને તેના લુખ્ખા સાથીઓનો આતંક
સુરતના ભાઠેના વિસ્તારમાં અસામાજિક તત્વો બેફામ બની રહ્યા છે. સુરતમાં દિવસેને દિવસે દાદાગીરીની ઘટનાઓ વધતા સામાન્ય નાગરિકોનું જીવવું હરામ કરી નાખ્યું છે. બુટલેગર શિવા અને તેના સાથીઓનો સરાજાહેર તલવારથી લોકોને ડરાવી ધમકાવી તોડફોડ કરી રહ્યા હતા જે દરમિયાન કોઈએ વીડિયો લઈ લુખ્ખા તત્વોનો આંતક છતો કર્યો છે.આ આવાર તત્વોના કાળા ધંધાની એટલે કે દારૂ,જુગારની કોઈ જાગૃત નાગરિકે બાતમી આપી હતી જે બાદ શકને આધારે રૌફ જમવા બજારમાં તલવાર લાકડી અને ધોકા લઈ બુટલેગર શિવા અને તેના સાથીઓ નીકળી પડ્યા હતા. દિવાળી ટાણે બજારમાં લોકોની ભીડ હોવા છતાં પણ દુકાનોમાં તોડફોડ કરી આતંક મચાવ્યો હતો. પોલીસ મૂક પ્રેક્ષક બની જોઈ રહી હતી. અનેક ઘટનાઑ બાદ પણ કોઈ કાર્યવાહી ન થતાં પોલીસ પણ માથાભારે તત્વોને છાવરતી હોય તેવા આરોપ થઈ રહ્યા છે .
વીટીવી ગુજરાતીના સળગતા સવાલ ?
શું સુરતમાં કાનૂન વ્યવસ્થા છે કે નહીં ?
સુરતના બુટલેગરમાં આટલી હિંમત ક્યાંથી આવી ?
કોના સંરક્ષણમાં આ બુટલેગર બેફામ બન્યો છે ?
બુટલેગરની બબાલથી સામાન્ય જનતાને કોણ બચાવશે ?
શું સુરતમાં પોલીસને બાતમી આપવી ગુનો છે ?
શા માટે સુરત પોલીસ બાતમીદારોનું રક્ષણ કરી શકતી નથી ?
શું બુટલેગર બાતમીદાર વિશે જાણે છે ?
કોને આપી બુટલેગરને બાતમીદારની બાતમી ?
કોણ બચાવશે ભાઠેનાની જનતાને બુટલેગરના ત્રાસથી ?
શું બુટલેગર આમ જ જનતાને ડરાવતો રહેશે ?
શું સુરતમાં આ બુટલેગરને રોકવાવાળું કોઈ નથી ?
આ નિરંકુશ બુટલેગર પર અંકુશ કોણ લગાવશે ?
ભૂરી ડોન ગેંગનો આતંક
શહેરના વરાછા વિસ્તારમાં ફરી એક વાર ભૂરી ડોન ગેંગનો આતંક જોવા મળ્યો હતો. ભૂરી ડોન ગેંગના સભ્યોએ વરાછા વિસ્તારમાં આવેલ મસાજની દુકાનમાં ઘુસીને છરી બતાવીને લૂંટ કરી હોવાનું સામે આવ્યું હતું. જેમા આરોપીઓ 28 હજારની રોકડ રકમ અને મોબાઈલની લૂંટ કરીને જતા રહ્યા.આપને જણાવી દઈએ કે ભૂરી ડોન ગેંગ સામે અનેક ગુના નોંઘાઈ ચુક્યા છે. જેમા તેમની સામે ખંડંણી મારામારી અને અપહરણ સહિતના કેસો સાથે લૂંટના કેસો પણ નોંધાયા છે. અગાઉ પણ ભૂરી ગેંગ અનેક વખત વિવાદોમાં આવી ગઈ છે. ત્યારે હવે લોકોની માગ છે કે સુરત પોલીસ કમિશનર ભૂરી ડોન ગેંગ સામે કડક કાર્યવાહી કરે.
આ પહેલા પાંડેસરાના ડૉન બનવાની કરી વાત અસામાજિક તત્વોએ મચાવ્યો હતો આતંક
ગાયત્રીનગરની ઘટનામાં અંકિત ઉર્ફે કાલિયા નામના શખ્સે ઇન્સ્ટાગ્રામ પર વીડિયો અપલોડ કર્યો હતો. આ વિડિયોના કારણે નામે સોનુ, હિમાંશુ, મંગલ અને અભિષેક ઉર્ફે બબુ નામના યુવકોએ વિડીયો અપલોડ કરનાર યુવકને માર માર્યો હતો.આ અસામાજિક તત્વો લાકડીઓ લઈને ઉતરી પડ્યા હતા અને ડંડા વડે ઢોર માર માર્યો હતો. સાથે આ અસામાજિક તત્વોએ પથ્થરમારો પણ કર્યો હતો. સાથે તેમણે ઈન્સ્ટાગ્રામમાં ફરી વીડિયો અપલોડ ન કરવાની ધમકી પણ આપી હતી. પાંડેસરાના ડૉન બનવાની કરી વાત કરનાર આ ચારેય શખ્સોએ પોતાને પાંડેસરાના ડૉન ગણાવ્યા હતા. ઉલ્લેખનીય છે કે આ ઘટના પાંડેસરાના ગાયત્રીનગરની ઘટના છે. જો કે તેમની આ દાદાગીરી CCTVમાં કેદ થઈ ગઈ હતી.