શાહરૂખ ખાને ક્રિસમસના તહેવાર પર પોતાના પ્રશંસકો માટે ટ્વિટર પર આસ્ક મી એનિથિંગ સેશન કર્યુ હતુ. વાતચીતમાં કિંગ ખાને પઠાણના ટ્રેલર અંગે સસ્પેન્સ જાળવી રાખ્યું.
કિંગ ખાને પઠાણ ફિલ્મના પ્રમોશન માટે નવી રીત શોધી
આસ્ક મી એનિથિંગ સેશન દ્વારા પ્રશંસકોને આપ્યા જવાબ
પઠાણના ટ્રેલર રીલીઝ કરવાની પણ માહિતી આપી
શાહરૂખ ખાને પઠાણના ટ્રેલર અંગે સસ્પેન્સ જાળવી રાખ્યું
બોલીવુડ અભિનેતા શાહરૂખ ખાન હાલમાં અપકમિંગ ફિલ્મ પઠાણને લઇને ખૂબ ચર્ચામાં છે. આ દરમ્યાન કિંગ ખાને પોતાની વિવાદીત ફિલ્મના પ્રમોશન માટે નવી રીત શોધી કાઢી છે. શાહરૂખ ખાને સો.મીડિયા દ્વારા પ્રશંસકોને સીધા તેમના સવાલના જવાબ આપ્યાં છે. રવિવારે ટ્વિટર પર અભિનેતાએ આસ્ક મી એનિથિંગ સેશન હોસ્ટ કર્યુ. જેમાં પઠાણના ટ્રેલર રીલીઝ કરવાની પણ માહિતી આપી.
ક્યારે રીલીઝ થશે પઠાણનુ ટ્રેલર
ટ્વિટર પર શાહરૂખના પ્રશંસકો તેમને સુંદર પ્રશ્ન પૂછી રહ્યાં હતા. જેના બદલામાં અભિનેતાએ ખૂબ રમૂજી રિપ્લાય આપીને પ્રશંસકોનુ દિલ ખુશ કર્યુ. એક યુઝરે શાહરૂખને પૂછ્યુ, તમે ચૉપર ઉડાવવાનુ ક્યારે શીખ્યુ છે? જેના જવાબમાં તેમણે કહ્યું, સાઈકલ ચલાવવાની સાથે-સાથે. તો અન્ય એક પ્રશંસકે પૂછ્યુ કે તમે પઠાણનુ ટ્રેલર રીલીઝ કેમ કરી રહ્યાં નથી? જેના જવાબમાં શાહરૂખ ખાને લખ્યું, 'હા હા મેરી મર્જી.'
આસ્ક મી એનિથિંગ સેશન દરમ્યાન એક ચાહકે ફિલ્મ પઠાણની તેમની એક તસ્વીર શેર કરતા પૂછ્યુ, તમને કેટલો સમય થયો આવી બૉડી બનાવવામાં? જેના જવાબમાં તેમણે કહ્યું, ભાઈ 57 વર્ષ. 57 વર્ષની ઉંમરમાં શાહરૂખ ખાને પઠાણ માટે સારું ટ્રાન્સફોર્મેશન કર્યુ છે. એબ્સથી લઇને ફુલ ફિજિકમાં કિંગ ખાન વધુ હોટ લાગી રહ્યાં છે.