IND vs NZ T20 / ક્યારે શીખ લેશે અર્શદીપ? છેલ્લી ઓવરમાં રન લૂંટાવવા મામલે શરમજનક રેકૉર્ડ પોતાના નામે કર્યો

• અર્શદીપ સિંહે કુલ 27 રન લૂંટાવીને ઘણા શરમજનક રેકોર્ડ પોતાના નામે કર્યા
• અર્શદીપ સિંહે પહેલી ત્રણ બોલમાં 23 રન લૂંટાવ્યા 
• અર્શદીપ સિંહે છેલ્લી ઓવરની શરૂઆત નો બોલથી કરી હતી

ટીમ ઈન્ડિયાનો ફાસ્ટ બોલર અર્શદીપ સિંહ અને તેનો 'નો બોલ' સાથે નો સંબંધ અટકવાનું નામ નથી લઈ રહ્યો. જણાવી દઈએ કે ન્યુઝીલેન્ડ સામેની પહેલી T20મેચમાં આ અર્શદીપ સિંહના બોલરે પહેલી ત્રણ ઓવરમાં જ શાનદાર બોલિંગ કરી હતી અને એ ત્રણ ઓવરમાં કોઈ નો બોલ નાખ્યા વિના માત્ર 24 રન જ આપ્યા હતા. જો કે એ જોઈને કેપ્ટન હાર્દિક પંડ્યાએ તેના પર વિશ્વાસ વ્યક્ત કર્યો અને તેને ઇનિંગની સૌથી મુશ્કેલ 20મી ઓવર ફેંકવાની જવાબદારી સોંપી હતી. અર્શદીપ સિંહ કેપ્ટનના એ ભરોસા પર ખરો ન ઉતરી શક્યો અને છેલ્લી ઓવરની શરૂઆત નો બોલથી કરી હતી. જણાવી દઈએ કે છેલ્લી ઓવરમાં અર્શદીપ સિંહે કુલ 27 રન આપીને ઘણા શરમજનક રેકોર્ડ પોતાના નામે કર્યા હતા.

That's that from Ranchi.

New Zealand win the first T20I by 21 runs in Ranchi.#TeamIndia will look to bounce back in the second #INDvNZ T20I.@mastercardindia pic.twitter.com/Lg8zmzwYVH

— BCCI (@BCCI) January 27, 2023

અર્શદીપ સિંહે પહેલી ત્રણ બોલમાં 23 રન લૂંટાવ્યા 
ગઇકાલની મેચમાં અર્શદીપ સિંહની છેલ્લી ઓવરની વાત કરીએ તો આ ફાસ્ટ બોલરે પહેલો બોલ જ નો બોલ નાખ્યો હતો અને એ બોલ પર ડેરેલ મિશેલે લોંગ ઓનની દિશામાં સિક્સર ફટકારી. જણાવી દઈએ કે આ પછી અર્શદીપ સિંહના ત્રણ બોલમાં તેને બે છગ્ગા અને એક ચોગ્ગા સાથે વધુ 16 રન બનાવ્યા હતા. એટલે કે અર્શદીપે પહેલા ત્રણ બોલમાં 23 રન લૂંટાવ્યા હતા. જો કે છેલ્લા ત્રણ બોલમાં તેને માત્ર ચાર રન જ ખર્ચ્યા હતા પણ અર્શદીપની છેલ્લી ઓવરને કારણે ન્યૂઝીલેન્ડની ટીમ સ્કોર 176 સુધી પહોંચાડવામાં સફળ રહી અને ભારતને આ મેચમાં 21 રનથી હારનો સામનો કરવો પડ્યો હતો.

અર્શદીપની છેલ્લી ઓવર ઘણી મોંઘી હતી
ભારતે ટોસ જીતીને પ્રથમ બોલિંગ કરવાનો નિર્ણય કર્યો, જે બાદ ન્યૂઝીલેન્ડે છ વિકેટે 176 રન બનાવ્યા. ડેરીલ મિશેલે અણનમ 59 અને ડેવોન કોનવેએ 52 રન બનાવ્યા હતા. જો જોવામાં આવે તો ન્યુઝીલેન્ડ 19મી ઓવર સુધી 150 રન પણ બનાવી શક્યું ન હતું, પરંતુ અર્શદીપની છેલ્લી ઓવર ઘણી ભારે હતી. ડેરીલ મિશેલે તે ઓવરમાં 27 રન બનાવ્યા હતા. જીત માટે 177 રનના લક્ષ્યાંકનો પીછો કરવા ઉતરેલી ભારતીય ટીમ 9 વિકેટે 155 રન જ બનાવી શકી હતી.

Hungry for more!🇮🇳❤️ pic.twitter.com/4ylfcH9sZL

— Arshdeep Singh (@arshdeepsinghh) January 8, 2023

આ સાથે અર્શદીપ સિંહ ભારત માટે 20મી ઓવરમાં સૌથી વધુ રન લૂંટાવનાર ખેલાડી બની ગયો છે. આ મામલામાં અર્શદીપે સુરેશ રૈનાનો રેકોર્ડ તોડી નાખ્યો છે. જણાવી દઈએ કે વર્ષ 2012માં દક્ષિણ આફ્રિકા સામે 26 રન લૂંટાવ્યા હતા.એટલું જ નહીં, એક ઓવરમાં સૌથી વધુ રન લૂંટાવનાર ભારતીય બોલરોની યાદીમાં અર્શદીપ સિંહ સંયુક્ત રીતે ત્રીજા સ્થાને પહોંચી ગયો છે.

20મી ઓવરમાં સૌથી વધુ રન લૂંટાવનાર ભારતીય-
27- અર્શદીપ સિંહ 2023 
26- સુરેશ રૈના 2012 
24- દીપક ચાહર 2022 
23- ખલીલ અહેમદ 2018 
23- હર્ષલ પટેલ 2022

એક ઓવરમાં સૌથી વધુ રન લૂંટાવનાર ભારતીય બોલરો-
34 - શિવમ દુબે vs NZ, 2020
32 - સ્ટુઅર્ટ બિન્ની vs WI, 2016
27 - શાર્દુલ ઠાકુર vs SL, 2018
27 - અર્શદીપ સિંહ vs NZ, 2023 
26 - સુરેશ રૈના vs SA, 2012 26-
26- અર્શદીપ સિંહ vs SA, 2022
25- યુવરાજ સિંહ vs NZ, 2007

જણાવી દઈએ કે અર્શદીપ સિંહના ખરાબ રેકોર્ડની યાદી અહીં સમાપ્ત નથી થતી, આ ખરાબ પ્રદર્શન સાથે તે T20 આંતરરાષ્ટ્રીય ક્રિકેટમાં બે વખત એક ઓવરમાં 25 કે તેથી વધુ રન લૂંટાવનાર એકમાત્ર ભારતીય બોલર બની ગયો છે. નોંધનીય છે કે ન્યુઝીલેન્ડ પહેલા અર્શદીપ સિંહે ગુવાહાટીમાં સાઉથ આફ્રિકા સામે 19મી ઓવરમાં 26 રન લૂંટાવ્યા હતા.

અર્શદીપ સિંહ એવો બોલર છે જેને T20 ઈન્ટરનેશનલમાં સૌથી વધુ નો બોલ ફેંક્યા છે. અર્શદીપે તેની ટૂંકી કારકિર્દીમાં અત્યાર સુધી 15 નો બોલ ફેંક્યા છે અને આ યાદીમાં પાકિસ્તાનનો હસન અલી 11 નો બોલ સાથે બીજા ક્રમે છે.