બોલિવૂડ અભિનેત્રી કેટરિના કૈફ અને અભિનેતા વિક્કી કૌશલ વચ્ચેનો સંબંધ મિત્રતાથી વધારે છે. અને બી-ટાઉનમાં પણ આ અંગે ચર્ચાઓ થઈ રહી છે. જોકે, હજી સુધી બંનેએ ખુલીને એકબીજાના સંબંધો વિશે કંઈ જ કહ્યું નથી.
કેટરિના કૈફ અને વિક્કી કૌશલનો વીડિયો વાયરલ
વિક્કી કૌશલે કેટરીનાને પૂછી લીધું મુઝસે શાદી કરોગી
સલમાને આપ્યું એવું રિએક્શન કે વીડિયો થઈ ગયો વાયરલ
તમને જણાવી દઈએ કે, બંનેએ પોતાના સંબંધને લઇને ઓફિશિયલ સ્ટેટમેન્ટ આપ્યું નથી. જોકે બંનેની તસવીરો હંમેશા લોકોના મનમાં શંકા જગાવે છે. આ બંનેના ફોટોઝ અને વીડિયો વાયરલ થતાં રહે છે અને બંને અનેકવાર સાથે પણ જોવા મળે છે. આ દરમિયાન બંનેનો એક વીડિયો સોશિયલ મીડિયા પર વાયરલ થઇ રહ્યો છે. જેમાં વિક્કી કૌશલ કેટરિનાને મુઝસે શાદી કરોગી કહેતા જોવા મળી રહ્યો છે.
સૌથી ખાસ વાત એ છે કે આ વીડિયોમાં સલમાન ખાન પણ જોવા મળી રહ્યો છે. આ વીડિયો કોઈ એવોર્ડ ફંક્શનનો છે. જેમાં વિક્કી કૌશલ કેટરિનાને કહી રહ્યો છે કે તમે કોઈ સારા વિક્કી કૌશલને શોધીને લગ્ન કેમ કરી લેતા નથી? લગ્નની સીઝન ચાલી રહી છે તો મને લાગ્યું કે તમારું પણ મન કરી રહ્યું હશે તો તમને પૂછી લઉં. તો કેટરીનાએ પૂછ્યું શું? આ પછી વિક્કી મજાકમાં કહે છે કે મુઝસે શાદી કરોગી? જેના પર સલમાન ખાન હસતો જોવા મળે છે પણ થોડી નારાજગી પણ તેના ચહેરા પર જોવા મળે છે. પછી કેટરીના કહે છે કે તેનામાં હિંમત નથી તો સલમાન ખાન તેની આ વાત સાંભળી ચોંકી જાય છે. જેનો વીડિયો વાયરલ થઈ રહ્યો છે.
તમને જણાવી દઈએ કે વિક્કી કૌશલ કેટરીના કૈફના ઘર પર જોવા મળ્યો હતો. જેનો વીડિયો સોશિયલ મીડિયા પર વાયરલ થયો હતો. મીડિયા રિપોર્ટ્સ પ્રમાણે 2019થી વિક્કી અને કેટરિના એકબીજાને ડેટ કરી રહ્યાં છે. હવે બંનેના ચાહકોની નજર એ વાત પર ટકેલી છે કે આખરે ક્યારે આ બંને પોતાના સંબંધનો ઓફિશિયલ કરશે અને ફેન્સને જણાવશે.