Alert / ATMમાંથી કેશ નિકાળતી વખતે આ બાબતનું રાખો ખાસ ધ્યાન, નહીંતર ખાલી થઇ જશે ખાતુ

• હવે એટીએમમાંથી પૈસા કાઢવાનું પણ સુરક્ષિત નથી !
• ATMમાં સૌથી વધુ જોખમ કાર્ડ ક્લોનિંગથી થાય છે
• ATMમાંથી રોકડ ઉપાડતી વખતે આ બાબતનું રાખો ધ્યાન 

થોડી સાવધાની રાખવી પડશે

એવામાં હવે તમને થોડી સાવધાની કોઈ પણ પ્રકારની મુશ્કેલીથી બચાવી શકે છે. તમારે એટીએમમાંથી પૈસા નિકાળતા પહેલા તપાસ કરી લેવી જોઈએ કે તમે જે એટીએમમાંથી રૂપિયા ઉપાડી રહ્યાં છો, તે કેટલુ સુરક્ષિત છે. એટીએમમાં સૌથી વધુ જોખમ કાર્ડ ક્લોનિંગથી થાય છે. અહીં અમે તમને જણાવી રહ્યાં છે કે કેવીરીતે તમારી માહિતી ચોરી થઇ શકે છે. 

આ રીતે માહિતી ચોરી થઇ શકે છે

હેકર કોઈ પણ ગ્રાહકનો ડેટા એટીએમ મશીનમાં કાર્ડ લગાવનારા સ્લોટથી ચોરી શકે છે. તે એટીએમ મશીનના કાર્ડ સ્લોટમાં એવી ડિવાઈસ લગાવી દે છે, જે તમારા કાર્ડની સંપૂર્ણ માહિતી સ્કેન કરી શકે છે. ત્યારબાદ તે બ્લૂટૂથ અથવા કોઈ બીજી વાયરલેસ ડિવાઈસથી ડેટા ચોરી લે છે.

આ વાતોનું ખાસ ધ્યાન રાખો

તમારા ડેબિટ કાર્ડનું સંપૂર્ણ એક્સેસ લેવા માટે હેકરની પાસે તમારો પિન નંબર હોવો જરૂરી છે. હેકર્સ પિન નંબરને કોઈ કેમેરાથી ટ્રેક કરી શકે છે. જેનાથી બચવા માટે તમે જ્યારે પણ એટીએમમાં તમારો પિન નંબર એન્ટર કરો તો તેને બીજા હાથથી છુપાવી લો. કારણકે તેની ઈમેજ સીસીટીવી કેમેરામાં ના જઇ શકે. 

કાર્ડ સ્લોટને ધ્યાનથી જુઓ 

જ્યારે તમે એટીએમમાં જાઓ ત્યારે એટીએમ મશીનના કાર્ડ સ્લોટને ધ્યાનથી જુઓ. જો તમને લાગે કે એટીએમ કાર્ડ સ્લોટમાં કોઈ છેડછાડ કરવામાં આવી છે અથવા પછી સ્લોટ ઢીલો છે અથવા કોઈ ગડબડ છે, તો તેનો ઉપયોગ ના કરશો.

ગ્રીન લાઈટ ચાલુ ના થાય તો રિસ્ક ના લેશો 

કાર્ડ સ્લોટમાં કાર્ડ લગાવતી સમયે તેમાં રહેલી ચાલુ લાઈટ પર ધ્યાન આપો. જો સ્લોટમાં ગ્રીન લાઈટ ચાલુ છે તો એટીએમ સુરક્ષિત છે. પરંતુ જો તેમાં લાલ અથવા કોઈ પણ લાઈટ ચાલુ નથી તો એટીએમનો ઉપયોગ ના કરો. આ કોઈ ગડબડનો સંકેત હોઇ શકે છે.

પોલીસ કરી શકે છે સંપર્ક 

જો તમને ક્યારેય લાગે કે તમે હેકર્સની જાળમાં ફસાઈ ગયા છો અને બેંક પણ બંધ છે તો તમે પોલીસ સાથે સંપર્ક કરો. આ જાણકારી તાત્કાલિક પોલીસને આપવાથી તમને ત્યાં ફિંગર પ્રિન્ટ મળી શકે છે. તમે એવુ પણ જોઈ શકો છો કે તમારી આજુબાજુ કોનુ બ્લૂટૂથ કનેક્શન કામ કરી રહ્યું છે. જેનાથી આ વ્યક્તિ સુધી પહોંચવામાં સરળતા રહેશે.