દિવાળી અને ફટાકડાંની મજા ત્યારે જ આવે છે જ્યારે થોડી સાવધાની સાથે દિવાળી મનાવવામાં આવે. દિવાળીના દિવસોમાં દિવડાં કે ફટાકડાંથી કોઇ અનહોની ન થાય તે માટે જરુરી છે કે તમારું ફર્સ્ટએઇડ બોક્સ પહેલેથી તૈયાર રાખવામાં આવે. ફર્સ્ટએઇડ બોક્સ સાથે હોય તો તમે તાત્કાલિક પ્રભાવશાળી પગલાં ભરી શકો છો.
આંખોનું ધ્યાન રાખો
ફટાકડાં ફોડતી વખતે આંખમાં કોઇ ટુકડો કે તણખો પડે તેવી શક્યતાઓ રહે છે. જો આમ થાય તો તાત્કાલિક આંખો પાણીથી સાફ કરો. રાહત ન થાય તો ઝડપથી ડોક્ટર પાસે જાવ. જો તમે કોન્ટેક્ટ લેન્સ પહેરતા હો તો આંખોને પાણીથી સાફ કરતા પહેલા લેન્સ હટાવવાનું ન ભુલો.
ઠંડુ પાણી સાથે જ રાખો
ફટાકડા ફોડતી વખતે બરફ અને ઠંડા પાણીની વ્યવસ્થા જરુર કરી રાખો. જો ભુલથી શરીરનો કોઇ ભાગ દાઝી જાય છે તો તેની પર ઠંડુ પાણી રેડો. પાણી ત્યાં સુધી નાંખતા રહો જ્યાં સુધી પીડા ઓછી ન થાય. દાઝવાની પીડા ઓછી થાય પછી જ બીજી કોઇ વસ્તુનો ઉપયોગ કરો.
એન્ટીસેપ્ટીક લોશન
દાઝેલા ભાગ પર ઇન્ફેક્શનની આશંકા વધી જાય છે. આવા સંજોગોમા એન્ટીસેપ્ટિક લગાવવું જરુરી હોય છે. તેનાથી પ્રભાવિત ભાગ ડ્રાય થતો અટકે છે. ડોક્ટરની સલાહ પર એન્ટીસેપ્ટીક લોશન કે દવાઓ ખરીદીને રાખો. ભાગ દોડના કારણે ઘણી વાર બાળકો કે મોટા પડી જાય છે અને ઇજા પણ થાય છે. આવા સમયે બેન્ડેજ, ડોક્ટર ટેપ, નાનો કોટન રોલ, કાતર, ઘા ધોવા માટે એન્ટીસેપ્ટિક લોશન અને ક્રીમ પાસે રાખો.
ઘાને ઢાંકીને રાખો
દાઝેલા ભાગને મેડિકેટેડ પટ્ટીથી એવી રીતે ઢાંકીને રાખો કે દાઝેલા ભાગ પર કોઇ દબાણ ન આવે. રુથી ન ઢાંકો કેમકે તેનાથી તે સ્કીન પર ચીપકી શકે છે.
આટલું ધ્યાન રાખો
દાઝેલા ભાગ પર સીધો બરફ ન લગાવો, તેનાથી ત્વચા ખરાબ થઇ શકે છે.
ફોડલો પડ્યો હોય તો તેને ફોડો નહીં. તેની જાતે ફુટે ત્યારે એન્ટીસેપ્ટીક લોશન લગાવો
સામાન્ય દાઝ્યા હો તો એક અઠવાડિયામાં નિશાન ભરાઇ જાય છે. ત્યારબાદ પણ દર્દ, દુખાવો, સોજો, તાવ કે ત્વચા લાલ થવા જેવા લક્ષણ દેખાય તો ડોક્ટરની સલાહ લો.
કેટલાક ઘરેલુ ઉપાય પણ કરો
હળદળની પેસ્ટ બનાવીને દાઝેલા ભાગ પર લગાવો. તેનાથી બળતરામાં રાહત મળશે.
મધની ઠંડી તાસિરના કારણે તેને પણ દાઝેલા ભાગ પર લગાવી શકાય છે.
દાઝેલા ભાગ પર ડિરેક્ટ એલોવીરા પણ લગાવી શકો છો તેનાથી ફોડલા નહી પડે અને બળતરા પણ ઓછી થશે.
એન્ટી ફંગલ અને એન્ટી બેક્ટેરિયલ ગુણ હોવાના કારણે નારિયેલ તેલને પણ દાઝેલા ભાગ પર લગાવી શકાય છે.