ઉજ્જૈનથી પકડાયેલો કુખ્યાત ગેંગસ્ટર વિકાસ દુબે પોલીસ કર્મસારીઓ પર રોફ જમાવવા બુમો પાડીને પોતાનું નામ બતાવી રહ્યો હતો. ત્યારે તેને પકડીને લઈ જઈ રહેલા પોલીસ કોન્ટેબલે તેને ચૂપ કરાવવા માટે એક થપ્પડ મારી દીધો હતો. હકિકતમાં પકડાયા બાદ પોલીસની ગાડીમાં બેસતી વખતે વિકાસ દૂબેએ બુમો પાડીને કહ્યું કે હું વિકાસ દૂબે છું કાનપુર વાળો...’ બસ ત્યારે જ તેની પાછળ રહેલા પોલીસ કોન્સ્ટેબલે તેને માથા પર એક થપ્પડ મારી દીધો હતો. એ બાદ વિકાસ ચૂપ થઈ ગયો હતો. આ વીડિયો ખૂબ વાયરસ થઈ રહ્યો છે.
મધ્યપ્રદેશના સીએમ શિવરાજસિંહ ચૌહાણે ટ્વિટ કરી
કોન્સ્ટેબલે તેને માથા પર એક થપ્પડ મારી દીધો હતો
રોફ જમાવવા બુમો પાડીને પોતાનું નામ બતાવી રહ્યો હતો વિકાસ
ઉલ્લેખનીય છે કે, ઉત્તર પ્રદેશના કાનપુરમાં ગત અઠવાડિયે આઠ પોલીસકર્મીઓને ઘેરીની તેની નિર્દયતાથી હત્યા કરનારો આરોપી કુખ્યાત ગેંગસ્ટર વિકાસ દુબેની પોલીસે ઉજ્જૈનથી ધરપકડ કરી છે. વિકાસ દુબે ઉજ્જૈન મહાકાલના દર્શન માટે પહોંચ્યો હતો. આ દરમિયાન ત્યાંના ગાર્ડે તેને ઓળખી લીધો હતો.એ બાદ ત્યાંની પોલીસ એક્શનમાં આવી અને તેને ત્યાં ઘેરી લીધો હતો. કાનપુરના ચૌબપુરમાં એક ઘટનાને અંજામ આપ્યા બાદ ત્યાંથી ફરાર વિકાસ પહેલા દિલ્હી-એનસીઆર અને પછી મધ્યપ્રદેશના ઉજ્જૈન પહોંચ્યો હતો. જ્યાં તેની એમપી પોલીસે ધરપકડ કરી હતી.
મધ્યપ્રદેશ પોલીસ દ્વારા વિકાસની ધરપકડ બાદ મધ્યપ્રદેશના સીએમ શિવરાજસિંહ ચૌહાણે ટ્વિટ કરી લખ્યુ હતું કે 'જેમને લાગે છે કે મહાકાલના શરણે આવવાથી તેમના પાપ ધોવાઈ જશે. તેઓ મહાકાલ જવું જ ન જોઈએ. અમારી સરકાર કોઈ ગુનેગારને બક્ષશે નહીં.’
ગેંગસ્ટર વિકાસ દુબે મંગળવારે હરિયાણાના ફરીદાબાદની એક હોટલના સીસીટીવીમાં જોવામાં આવ્યો હતો. જો કે પોલીસ જ્યારે ત્યાં દરોડા પાડવા પહોંચી ત્યારે તે ત્યાંથી ફરાર થઈ ગયો હતો. સ્પેશિયલ ટાસ્ક ફોર્સ (એસટીએફ) એ વાતની ખરાઈ કરી હતી કે ફરીદાબાદમાં સીસીટીવીમાં દેખાતો વ્યક્તિ વિકાસ દુબે હતો. આ બાદ ગુરુગ્રામમાં પણ હાઈએલર્ટ જાહેર કરાયું હતુ.