સોશ્યલ મીડિયા / ફરી એક વખત સાબિત થઈ ગયું કે નીતા અંબાણીના મંત્રમાં તાકાત ગજબ છે

આ મેચ ખૂબ જ રોમાંચક રહી. રોહિત શર્માની કેપ્ટનશીપમાં મુંબઈના ધુરંધરોએ જીતનો ઝંડો લહેરાવ્યો. જણાવી દઇએ કે, મુંબઇ ઇન્ડિયન્સે ચોથી વખત IPLની ટ્રોફી જીતી છે. જોકે આ જીત મુંબઇ માટે સરળ ન હતી, સ્ટેડિયમમાં માહોલ ખાસ્સો ટેન્શનવાળો રહ્યો.

ટેન્શનનો અંદાજો મુંબઈ ઈન્ડિયન્સના માલકણ નીતા અંબાણીને જોઈને લગાવી શકાય છે. વાસ્તવમાં પેવેલિયનમાં બેઠેલા નીતા અંબાણી ચેન્નાઇ સુપરકિંગ્સના દરેક શૉટ પર પરેશાન દેખાયા. મેચમાં બંને ટીમ એ તબક્કામાં આવી પહોંચી હતી જ્યાં કોઈપણ ટ્રોફી જીતી શકતુ હતુ. 

દરેક બોલ મુંબઈ ઈન્ડિયન્સની જીત કે હાર માટે નિર્ણાયક હતો. નીતા અંબાણીનો એક વીડિયો પણ વાયરલ થઇ રહ્યો છે. જેમાં તે ટીમની જીત માટે પ્રાર્થના કરી રહ્યા છે. નીતા અંબાણીએ કપાળ પર તિલક લગાવ્યુ હતુ. તે વાંરવાર મંત્રનો જાપ કરતા હતા. હાથ જોડીને ભગવાન પાસે મુંબઇ ઇન્ડિયન્સની જીતની કામના કરતા હતા. સ્ટેડિયમમાં નીતા અંબાણી સિવાય આકાશ, અનંત અને રાધિકા મર્ચન્ટ હતા.

તસવીરોમાં જોઈ શકો છો કે મેચ એવા તબક્કામાં પહોંચી હતી જ્યાં એક બોલ પર બાજી પલટી શકતી હતી. દરેક બોલ પર નીતા અંબાણીની ચિંતા દેખાતી હતી. તેઓ આંખ મીંચીને માત્ર પોતાની ટીમની જીતની પ્રાર્થના કરતાં હતા, તેમની બાજુમાં આકાશ અંબાણી બેઠો હતો. જોકે મુંબઇની જીત પછી કહી શકાય નીતા અંબાણીની પ્રાર્થના ફળી.

મુંબઈ ઈન્ડિયન્સે ચોથી વખત IPLનો ખિતાબ જીત્યો છે. મુંબઈ ઈન્ડિયન્સે શાનદાર બેટિંગ કરીને મેચ પોતાના તરફ કરી દીધી. 

જણાવી દઇએ કે, ફાઇનલ મેચમાં મુંબઇ ઇન્ડિયન્સે પહેલા બેટિંગ કરી અને આઠ વિકેટ ગુમાવીને 149 રન કર્યા. તો ચેન્નાઈ સુપર કિંગ્સ 148 રન જ બનાવી શકી. મુંબઈ ઈન્ડિયન્સની જીત પછી નીતા અંબાણીના ચહેરા પર હાશકારો અને જીતની ખુશી દેખાઇ.