સુશાંત સિંહ રાજપૂતની મોતથી તેના ફેન્સ ખૂબ જ આઘાતમાં છે. સોશિયલ મીડિયા પર એક્ટરના ફેન્સનો રોષ જોવા મળી રહ્યો છે. ઘણાં સેલેબ્સ અને ફેન્સ સુશાંતના સુસાઈડ માટે નેપોટિઝ્મ, બોલિવૂડ ગેંગ દ્વારા બુલિંગ અને ઈન્ડસ્ટ્રીમાંથી બોયકોટ કરવા જેવા કારણોને જવાબદાર ઠેરાવી રહ્યાં છે. પોલીસ આ કેસમાં દરેક એંગલથી તપાસ કરી રહી છે. સુશાંતની મોત બાદ તેના ઘણાં જૂના વીડિયો અને ફોટોઝ સોશિયલ મીડિયા પર વાયરલ થઈ રહ્યાં છે.
સુશાંતનો એક એવો વીડિયો વાયરલ થઈ રહ્યો છે જેમાં તે ભારતીય સૈનિકો સાથે જોવા મળી રહ્યો છે. આમાં સુશાંત સૈનિકોના પોતાના હાથે ભોજન પીરસતા જોવા મળી રહ્યો છે. વીડિયોમાં જોઈ શકાય છે કે સૈનિકો માટે સુશાંતના દિલમાં કેટલો સન્માન અને પ્રેમ હતો. સૈનિકો સુશાંતને તાળીઓથી વધાવી રહ્યાં છે. સ્ટારડમ હાંસલ કર્યા બાદ પણ તે આટલો ડાઉન ટૂ અર્થ હતો.
ઉલ્લેખનીય છે કે, સુશાંતના સુસાઈડ બાદ ઈન્ડસ્ટ્રીના કરણ જોહર, સલમાન ખાન, એકતા કપૂર અને અન્ય લોકો સામે કેસ કરવામાં આવ્યો છે. સુશાંતની કથિત ગર્લફ્રેન્ડ રિયા ચક્રવર્તી સામે પણ કેસ કરવામાં આવ્યો છે. સુશાંતના આપઘાત બાદથી તેના ફેન્સ બોલિવૂડના બિગ બેનર્સ પર ભડક્યા છે.