બાળપણની એક દિવાળીએ સલમાને કાગળની સાથે પિતા સલીમ ખાનની આખી સેલેરી સળગાવી દીધી. સલીમ ખાનને જ્યારે સલમાનની ભૂલને વિશે જાણ થઈ તો તેઓએ ગુસ્સે થવાના બદલે પરિસ્થિતિને સામાન્ય રીતે લીધી. પોતાના બાળકોને રૂપિયાની કિંમતને વિશે સમજ પણ આપી.
સલમાને બાળપણમાં કરી દિવાળી
કાગળ સાથે સળગાવી દીધી પિતાની સેલેરી
સલીમ ખાને આ દિવસે સલમાનને સમજાવી રૂપિયાની કિંમત
સલમાન ખાન ઈન્ડસ્ટ્રીના સૌથી મોટા સુપર સ્ટાર માનવામાં આવે છે અને રૂપિયાની સાથે સાથે તેઓ નામ પણ કમાઈ ચૂક્યા છે. જો કે એક એવો સમય પણ હતો જ્યારે તેમની આર્થિક સ્થિતિ સામાન્ય હતી. મળતી માહિતી અનુસાર પોતાના પિતા દ્વારા મળેલી એક શીખ બાદ સલમાન રૂપિયાની કિંમત સમજવા લાગ્યા.
A post shared by Salman Khan (@beingsalmankhan) on
સલમાનનો જન્મ મધ્યપ્રદેશના ઈન્દોરમાં થયો હતો. તેઓએ પોતાનુ બાળપણ ઘણા સમય સુધી અહીં જ વીતાવ્યુ હતું. એક વાર દિવાળીની રાતે સલમાન પોતાના ભાઈઓની સાથે આનંદ કરી રહ્યો હતો અને પેપર્સ સળગાવીને દિવાળી ઉજવી રહ્યો હતો. પેપર ખતમ થતાં તે પિતાના સ્ટડી ટેબલ પર ગયો અને ત્યાંથી કાગળનું એક બંડલ ઉઠાવી આવ્યો. તેઓએ ભાઈઓની સાથે મળીને તેને સળગાવી દીધું. પછી ખ્યાલ આવ્યો કે આ પેપર્સમાં સલીમ ખાનની સેલેરી એટલે કે 750 રૂપિયા પણ હતા.
સેલેરી સળગી જતાં પિતાએ કર્યું આ કામ
જ્યારે સલીમ ખાનને પિતાની ભૂલનો ખ્યાલ આવ્યો ત્યારે તેઓએ તેની પર ગુસ્સો ન કર્યો, પણ સ્થિતિને ખૂબ જ શાંતિથી પ્રેમથી હેન્ડલ કરી. તેઓએ પોતાના દરેક બાળકોને રૂપિયાની કિંમત સમજાવી. સોહેલ ખાન, અરબાઝ ખાન અને સલમાન ખાન ત્રણેયને બેસાડીને તેઓએ સમજ આપી. તેઓએ કહ્યું કે તે રૂપિયાની મદદથી જ તેમના ઘરમાં ખાવાની વ્યવસ્થા થાય છે. પિતાની આ વાતની સલમાન પર ખૂબ જ અસર થઈ અને ત્યારથી તેમને રૂપિયાની કિંમત સમજાઈ. આખરે તેઓ પિતાની વાતને સમજી ગયા હતા.
આજે 25 હજાર શ્રમિકોની મદદ માટે આગળ આવ્યા છે સલમાન
ઉલ્લેખનીય છે કે થોડા સમય પહેલાં જ કોરોના વાયરસની વિરુદ્ધની લડાઈમાં 25000 શ્રમિકોને આર્થિક રૂપે મદદ કરવાનો નિર્ણય સલમાન ખાને લીધો હતો. આ વાતને લઈને સલીમ ખાને કહ્યું કે હું સલમાનની મદદને લઈને કમેન્ટ કરવા ઈચ્છતો નથી, કારણ કે મને આ વિશે વધારે ખબર નથી. પણ અમારા પરિવારનો નિયમ છે, અમારો રૂપિયો જ્યાં જાય, ત્યાં દેખાવવો જોઈએ અને કોઈના કામમાં આવવો જોઈએ. આપણે બધાએ આપણી આસપાસના લોકોની મુશ્કેલીના સમયમાં મદદ કરવી જોઈએ.