બોલિવૂડનો નવાબ સૈફ અલી ખાન માત્ર નામથી નહીં પણ લાઇફ સ્ટાઇલથી પણ નવાબ જેવો છે. સૈફના પટૌડી પેલેસને જોઈને તેની લાઇફસ્ટાઇલનો અંદાજ લગાવી શકાય છે. પૂર્વ ક્રિકેટર મંસૂર અલી ખાન પટૌડી અને વેટરન એક્ટ્રેસ શર્મિલા ટેગોરના દિકરા અને બોલિવૂડ અભિનેતા સૈફ અલી ખાને કહ્યું કે, પિતાના નિધન બાદ પટૌડીમાં પોતાનો પૂર્વજ મહેલ પાછો મેળવવા માટે તેને હોટલની ચેન ભાડે આપવી પડી હતી.
નવાબ સૈફ અલી ખાનને પટૌડી પેલેસ પાછો મેળવવા કર્યું હતું આ કામ
ભાડે ગયેલ પટૌડી પેલેસ માટે સૈફે ચૂકવ્યા હતા પૈસા
હવે મહેલની કિંમત છે 800 કરોડ રૂપિયા
એક ઈન્ટરવ્યૂમાં સૈફે પટૌડી પેલેસમાં પિતા પાસેથી મળેલી માન્યતાઓ વિશે વાત કરી હતી. સૈફે કહ્યું, જ્યારે મારા પિતા (મન્સૂર અલી ખાન પટૌડી)નું નિધન થયું, ત્યારે આ મહેલ નીમરાણા હોટલને ભાડે આપવામાં આવ્યો હતો. તેને તે પરત મેળવવા માટે ઘણી મહેનત કરવી પડી હતી. પેલેસ અગાઉ, અમન (નાથ) અને ફ્રાન્સિસ (વાક્ઝિરગ) તેને ચલાવતા હતા.
મહેલ માટે આપવા પડ્યાં બહુ બધાં પૈસા
એક દિવસ ફ્રાન્સિસ વેકઝર્ગ કહ્યું, શું તે પેલેસ પરત ઈચ્છે છે? જો એવું છે તો તે કહી દે. જ્યારે સૈફે પેલેસ પરત લેવાની ઈચ્છા જણાવી પછી તેમણે કહ્યું સારું અમે પેલેસ આપવા તૈયાર છે પણ તારે તેના માટે ઘણાં બધાં પૈસા ચૂકવવા પડશે.
સૈફે ફિલ્મોથી પૈસા કમાવ્યા અને પછી મહેલ પાછો લીધો
સૈફે જણાવ્યું કે, કઈ રીતે તેણે ફિલ્મોથી પૈસા કમાવી એ મહેલ પાછો લીધો હતો. તેણે કહ્યું, મને લાગે છે કે, જે મહેલ મને વારસામાં મળવો જોઈએ તે ફિલ્મોથી કમાણી કરેલાં પૈસાથી પાછો લેવો પડ્યો હતો. તમે ભૂતકાળથી દૂર ભાગી શકીએ નહીં અને એમાં પણ પરિવારથી દૂર ન જ રહી શકીએ. ઈતિહાસ, સંસ્કૃતિ, ફોટોગ્રાફ્સ ખૂબ સુંદર છે.
સૈફે જણાવી મહેલની ખાસિયત
પટૌડી પેલેસની વિશેષતા વિશે વાત કરતાં સૈફે કહ્યું કે, આ મહેલનું બાંધકામ 81 વર્ષ પહેલાં કરવામાં આવ્યું હતું. તે 1935માં આઠમા નવાબ અને ભૂતપૂર્વ ક્રિકેટર ઈફ્તિખાર અલી ખાન પટૌડી અલી હુસેન સિદ્દીકી દ્વારા બનાવવામાં આવ્યું હતું. એવું કહેવામાં આવે છે કે, આ મહેલની કિંમત 800 કરોડ છે. તેમાં 150થી વધુ ઓરડાઓ છે અને 100થી વધુ લોકો અહીં કામ કરે છે.
સૈફ શેર કરી ચૂક્યો છે મહેલની તસવીરો
ઇફ્તિખારના પુત્ર અને સૈફના પિતા મન્સૂર અલી ખાન પટૌડીએ આંતરરાષ્ટ્રીય આર્કિટેક્ટ દ્વારા મહેલનું નવીનીકરણ કરાવ્યું હતું. મહેલમાં ઘણાં મોટા મેદાન, તબેલા અને ગેરેજ છે. નવીનીકરણ બાદ સૈફે મહેલની તસવીર શેર કરી હતી. એક વિશાળ ડ્રોઈંગ રૂમ ઉપરાંત મહેલમાં 15 રૂમ, ડ્રેસિંગ અને બિલિયર્ડ રૂમ છે.