વરૂણ ધવન અને શ્રદ્ઘા કપૂર હાલમાં સ્ટ્રીટ ડાન્સરનું શૂટિંગ કરી રહ્યા છે. તેમને ફિલ્મનો એક્સપિરિયન્સ એટલો બધો ગમી રહ્યો છે કે તેમને સેટ પરથી ઘરે પરત જવાની ઇચ્છા જ નથી થતી.
આ વચ્ચે વરૂણ શૅર કરેલો વીડિયો માં ફિલ્મ ડિરેક્ટર રેમો ડિસૂઝોની કાસ્ટને ગેટ આઉટ કહેતો જોવા મળ્યો. તેમના આમ કહેવા પર શ્રદ્ધા અને વરુણ સહિત ત્યાં ઉપસ્થિત તમામ વધુ એક સીન શૂટ કરવા માટે કહે છે અને બૂમો પાડતા તેમને ખભા પર ઉચકી લે છે.
પોતાના આ સ્થિતિમાં જોઈને રેમો ડિસૂઝા પણ હેલ્પલેસ અનુભવે છે. તેમના ચહેરા પરના હાવભાવ જોઇને આ વાતનો અંદાજો લગાવી શકાય છે. વીડિયોમાં છેલ્લે વરૂણ કહે છે કે, ''અમારે ઘરે નથી જવુ, અમારે શૂટિંગ કરવુ છે.''
ડાન્સ પર આધારિત આ ફિલ્મે 24 જાન્યુઆરી 2020ના રોજ રિલીઝ કરાશે. આ ફિલ્મમાં વરૂણ અને શ્રદ્ઘાની સાથે પ્રભુ દેવા, નોરા ફતેહી, શક્તિ મોહન અને ધર્મેશ યેલ્ડે સહિત અન્ય એકટર જોવા મળશે.