ચૂંટણી / રાહુલનું ઇંગ્લિશ ટ્રાન્સલેટર પણ ના સમજી શક્યા, Video થયો વાયરલ

ચેન્નાઇ: દક્ષિણ ભારતમાં ચૂંટણી પ્રચારમાં લાગેલા નેતાઓનું ટ્રાન્સલેટર કંઇકને કંઇક એવું કરી દે છે જેનાથી એમની મજાક બની જાય છે. તાજેતરમાં જ કોંગ્રેસ અધ્યક્ષ રાહુલ ગાંધીની સાથે થયું છે.  અહીંયા તેઓ એક રેલીમાં પ્રધાનમંત્રી નરેન્દ્ર મોદી પર વિવિધ મુદ્દા પર પ્રહાર કરી રહ્યા હતા, પરંતુ એમના ભાષણને ટ્રાન્સલેટ કરી રહ્યા કોંગ્રેસના વરિષ્ઠ નેતા પી.જે.કુરિયન ના કારણે એ ટ્રોલ થઇ ગયા. જેનો વીડિયો સોશિયલ મીડિયા પર વાયરલ થઇ રહ્યો છે.  વાસ્તવમાં રાહુલ ગાંધી ઇંગ્લિશમાં ભાષણ આપી રહ્યા હતા. એમના ભાષણને સ્થાનિક ભાષામાં ટ્રાન્સલેટ કરવા માટે મંચ પર રાહુલની બાજુમાં કોંગ્રેસ નેતા પી.જે.કુરિયન હાજર હતા. રાહુલ ગાંધીએ ઇંગ્લિશમાં કહ્યું કે મોદી લોકોને એવી વાત કહે છે કે મને પ્રધાનમંત્રી નહીં ચોકીદાર બનાવો. પરંતુ આ વાત પી.જે.કુરિયનને સમજમાં ના આવી,. આ જોઇને રાહુલને પણ હસવું આવી ગયું.  એ ફરીથી પી.જે કુરિયન પાસે પહોંચ્યા અને એમની નજીક જઇને ફરીથી લાઇન જણાવી, ત્યારે તેઓ રાહુલની વાત સમજી શક્યા.  આ ઘટના બાદ થોડી વારમાં જ રાહુલે કહ્યું મોદીએ દેશની જનતાના વોટ મેળવ્યા અને એ દેશની જગ્યાએ અનિલ અંબાણીના ચોકીદાર બની ગયા. 

देखो हंस न देना!
😆 pic.twitter.com/5RHfYDxnKF

— RSPrasad Office (@OfficeOfRSP) April 16, 2019

રાહુલને લાગ્યું કે કદાચ હવે પી.જે કુરિયન સમજી શકે, પરંતુ આવું થયું નહીં. રાહુલ પોતે હસવાનું રોકી શક્યા નહીં. રાહુલના આ વીડિયોને સોશિયલ મીડિયા પર ખૂબ ટ્રોલ કરવામાં આવી રહ્યો છે. સોશિયલ મીડિયા પર યૂઝર્સ કહી રહ્યા છે કે આ તો દુનિયાના સૌથી બેસ્ટ કૉમેડી એક્ટર છે.