બાહુબલી એક્ટર પ્રભાસને લઇને કહેવામાં આવી રહ્યુ છે કે તે માત્ર સારો એક્ટર જ નહી પરંતુ સારા માણસ પણ છે.
પ્રભાસે ફેન માટે કર્યુ આ કામ
કેન્સરના છેલ્લા સ્ટેજમાં હતો ફેન
એક કલાકમાં જ મળવા પહોંચ્યો પ્રભાસ
હાલમાં જ એક એવો કિસ્સો બન્યો હતો જ્યારે પ્રભાસ પોતાનુ શૂટિંગ છોડીને એક એવા ફેનને મળવા પહોંચી ગયા હતા જે કેન્સરથી જંગ લડી રહ્યો હતો.
મિડીયામાં ચાલી રહેલી ખબરો અનુસાર બિઝનેસમેન વેમ્પા કાસી રાજુએ એક ઇન્ટરવ્યૂમાં જણાવ્યુ કે પ્રભાસનો એક ફેન કે જે કેન્સરના છેલ્લા સ્ટેજમાં હતો અને તેની છેલ્લી ઇચ્છા હતી કે તે પ્રભાસને મળી. આ વાત પ્રભાસને ખબર પડી તો તે શૂટિંગ વચ્ચે છોડીને પોતાના ફેનને મળવા હોસ્પિટલ પહોંચી ગયા અને તેની છેલ્લી ઇચ્છા પૂરી કરી હતી.
એક કલાકમાં પહોંચ્યો હોસ્પિટલ
ઇન્ટરવ્યૂમાં બિઝનેસમેને જણાવ્યું કે પ્રભાસને આ ખબર મળી તેના એક કલાકની અંદર જ તે ફેનને મળવા હોસ્પિટલ જતો રહ્યો હતો. હોસ્પિટલ પહોંચીને તેણે ફેનની મુલાકાત લીધી અને તેને ચૂમ્યો પણ ખરો. એક કલાક તેના ફેન સાથે બેસીને વાતો કરી. રાજૂએ જણાવ્યું કે આ છોકરો કઇ બીજો નહી પરંતુ પ્રભાસનો સંબંધી હતો.
2 કલાકની જગ્યાએ 10 દિવસ જીવ્યો પ્રભાસનો ફેન
માત્ર આટલુ જ નહી પ્રભાસે ત્યાં સુધી કહ્યું કે તેનો ફેન તેને જ્યારે પણ મળવાની ઇચ્છા વ્યક્ત કરે તે તેને મળવા જરૂર આવશે. કહેવામાં આવતુ હતુ કે તે છોકરો 2 કલાકથી વધારે નહી જીવે પરંતુ પ્રભાસને મળ્યા બાદ તે 10 દિવસ સુધી જીવ્યો હતો.