પ્રધાનમંત્રી નરેન્દ્ર મોદી અમેરિકામાં સાર્વજનિક મંચ પર પોતાના માતા હીરાબેનનો ઉલ્લેખ થવા પર ભાવુક થઈ ગયા હતા તેમની આંખોમાં આસુ આવી ગયા હતા. માર્ક ઝુકરબર્ગે તેમને સાંત્વના આપી હતી.
માતાનો ઉલ્લેખ કરતા ભાવુક થયા હતા PM મોદી
અમેરિકામાં માને યાદ કરી રડી પડ્યા હતા PM મોદી
દુનિયાને જણાવ્યો હતો જીવન સંઘર્ષ
વડાપ્રધાન નરેન્દ્ર મોદીના માતા હીરાબા મોદીનું 30 ડિસેમ્બરની વહેલી સવારે નિધન થયું હતું. તેમણે અમદાવાદની યુએન મહેતા હોસ્પિટલમાં અંતિમ શ્વાસ લીધા હતા. તેમની તબિયત બગડતાં મંગળવારે તેમને ત્યાં દાખલ કરવામાં આવ્યા હતા. આ વર્ષે 18 જૂને હીરાબાએ તેમનો 100મો જન્મદિવસ ઉજવ્યો હતો.
વિશ્વની અનેક પ્રતિષ્ઠિત હસ્તીઓના હોઠ પર પણ તેમનું નામ આવ્યું હતુ. નરેન્દ્ર મોદી ભારતના વડાપ્રધાન બન્યા બાદ જ્યારે અમેરિકા ગયા તો ત્યારે તે સ્ટેજ પર જ માતાને યાદ કરીને રડી પડ્યા હતા. ત્યારે તે પોતાની માતાના જીવન સાથે જોડાયેલી ધટનાઓ જણાવી રહ્યા હતા.
માર્ક ઝુકરબર્ગે કર્યો હતો PM મોદીને સવાલ
આ વાત 2015ની છે પીએમ મોદી તેમના યુએસ પ્રવાસ દરમિયાન એક સાર્વજનિક પ્લેટફોર્મ પર ફેસબુકના સંસ્થાપક માર્ક ઝકરબર્ગ સાથે વાત કરી રહ્યા હતા. માર્ક ઝકરબર્ગે પીએમ મોદીને કેટલાક સવાલ પૂછ્યા હતા.
જેમાં તેમની માતા સાથે જોડાયેલા સવાલનો જવાબ આપતા પીએમ મોદી એટલા ભાવુક થઈ ગયા હતા કે તેઓ સ્ટેજ પર જ રડી પડ્યા હતા. તે પોતાના આસુને લુછતા જોવા મળ્યા હતા. ઝકરબર્ગ તેમને સાંત્વના આપતા જોવા મળ્યા હતા.
શું કહ્યું હતું PM મોદીએ?
તે સમયે પીએમ મોદીએ કહ્યું હતું કે, અમે નાના હતા ત્યારે મારા પિતાનું અવસાન થયું હતું. પછી અમારા ઉછેર માટે માતા પડોશના ઘરોમાં જઈને વાસણો સાફ કરવા, પાણી ભરવા, મજૂરી કરવા જેવા કામ.... તમે કલ્પના કરી શકો છો કે એક માતાએ પોતાના બાળકોને ઉછેરવામાં કેટલી પીડા સહન કરી હશે.