જ્યારે ઇંગ્લેન્ડના ખિલાડીને ગુસ્સામાં ધોનીએ કહ્યુ ''ડ્રેસિંગ રૂમમાં આવ્યો તો મારી નાખીશ''

ટીમ ઇન્ડિયાન પૂર્વ કેપ્ટન મહેન્દ્રસિંહ ધોની પોતાના શાંત સ્વભાવ માટે જાણીતો છે. એવુ ઘણું ઓછી વખત જોવા મળે છે જ્યારે ધોની ગ્રાઉન્ડની અંદર કે બહાર સાથી ખેલાડીઓ પર ગુસ્સે થયો હોય. ધોનીએ આ સિઝન પોતાની કેપ્ટન્સીમાં ચેન્નાઇ સુપરકિંગ્સ (CSK) ત્રીજી વખત આઇપીએલ (IPL)નો ખિતાબ જીત્યો છે. ધોની ભલે હવે ટીમ ઇન્ડિયાના કેપ્ટન તરીકે નથી રમી રહ્યો પરંતુ તેમનો અનુભવ હંમેશા ટીમની માટે કારગર સાબિત થશે. જો કે એક વખત એવો પણ આવ્યો હતો જ્યારે ધોનીએ ઇંગ્લેન્ડના ફાસ્ટ બોલરને ગ્રાઉન્ડમાં જીવથી મારવાની ધમકી આપી હતી.

જી હા વાસ્તવમાં વર્ષ 2014માં ટીમ ઇન્ડિયા ઇંગ્લેન્ડના પ્રવાસે ટેસ્ટ મેચ રમવા ગઇ હતી અને આ દરમિયાન ટીમ ઇન્ડિયાની કેપ્ટન્સી મહેન્દ્રસિંહ ધોની કરી રહ્યો હતો. આ પહેલા 2013માં ભારત ઇંગ્લેન્ડ સામે સિરીઝ હારી ગયુ હતું. 2014માં રમાનારી આ સિરીઝ ભારત માટે મહત્વની ગણાતી હતી. ભારતીય ટીમ પુરી તૈયારી સાથે ઇંગ્લેન્ડ પહોચી હતી.

સિરીઝની ચોથી ટેસ્ટ મેચ ટ્રેન્ટબ્રિઝમાં રમાઇ હતી આ મેચમાં ભારત મોટા સ્કોર તરફ વધી રહ્યું હતું. બીજા દિવસે લંચ પહેલા રવિન્દ્ર જાડેજા અને કેપ્ટન એમ.એસ. ધોની ટીમને સંભાળવાનું કામ કરી રહ્યાં હતા અને આ વચ્ચે ઇંગ્લેન્ડના ફાસ્ટ બોલર જેમ્સ એન્ડરસને સ્લેજિંગ શરૂ કરવાનું શરૂ કર્યું તે સતત જાડેજાને લઇને કમેન્ટ પાસ કરી રહ્યા છે. જે બાદ જાડેજાએ પણ તેની વાતનો જવાબ આપવાનું શરૂ કર્યુ હતું અને બન્ને વચ્ચે મામલે આગળ વધી ગયો હતો. 

એન્ડરસને જાડેજા પછી ધોનીને પણ ગાળ બોલવાનું શરૂ કર્યું. લંચ થતા જ બન્ને ટીમ પોત પોતાના ડ્રેસિંગ રૂમ તરફ આગળ વધતા હતા. આ દરમિયાન એન્ડરસને જાડેજાને ડ્રેસિંગ રૂમમાં આવીને મારવાની ધમકી આપી. એન્ડરસનની આ વાત સાંભળતા જ ધોની એન્ડરસન સાથે ઝઘડી પડ્યો હતો. ધોનીએ એન્ડરસને કહ્યું 'જો તમે ભારતીય ડ્રેસિંગ રૂમની આસપાસ પણ નજરે પડ્યા તો જીવ લઇ લઇશ'. આ આખી સિરીઝમાં બન્ને ટીમના ખેલાડીઓ વચ્ચે વિવાદ જોવા મળ્યા હતા.