હાલમાં દેશભરમાં હર્ષોઉલ્લાસની સાથે દિવાળીની ઉજવણી થઇ રહી છે, ત્યારે દેશવાસીઓ પણ હર્ષભેર આ તહેવારની ઉજવણી કરી રહ્યા છે. એવામાં હાલમાં સૌથી વધારે ચર્ચામાં રહેનારા ક્રિકેટર મહેન્દ્ર સિંહ ધોની સોશ્યલ મીડિયા પર વાયરલ થયેલા વીડિયોમાં ટેબલ ટેનિસ રમતો જોવા મળી રહ્યો છે.
IPL ની ચેન્નાઇ સુપર કિંગ્સ (CSK) ટીમે પોતાના ઑફિશ્યલ સોશ્યલ મીડિયા એકાઉન્ટ પર એક વીડિયો અપલોડ કર્યો છે જેમાં દિવાળીના દરમિયના વેસ્ટ ઇન્ડિઝનો ખેલાડી ડ્વેન બ્રાવો અને ધોની ટેબલ ટેનિસ રમતા જોવા મળી રહ્યા છે. આ વીડિયો સોશ્યલ મીડિયા પર ખૂબ જ ટ્રેન્ડિંગ છે.
આ વીડિયોમાં જોઇ શકાય છે કે,ગેમ દરમિયાન ધોની એવો શોટ લગાવે છે કે બ્રાવો જોતો જ રહી જાય છે. બ્રાવોના ચહેરા પર એકદમ શોકિંગ એક્સપ્રેસન જોવા મળી રહ્યા છે.
ધોની અને બ્રાવોના ફેન્સ આ વિડીયો પસંદ કરી રહ્યા છે. ત્યારે અહીં પણ ફેન્સ ધોની ક્યારે ટીમમાં પાછો આવશે તેવા સવાલો કરી રહ્યા છે. ઉલ્લેખનીય છે કે, મહેન્દ્ર સિંહ ધોની છેલ્લે વર્લ્ડકપમાં ન્યૂઝીલેન્ડ સામે મેચ રમ્યા પછી ધોની ટીમમાં દેખાયો નથી. તાજેતરમાં રાંચીમાં રમાયેલી ટેસ્ટ દરમિયાન ધોની ખેલાડીઓ અને કોચને મળ્યો હતો.