કરીના કપૂર ખાન અને સૈફ અલી ખાન બોલીવૂડનુ પાવર કપલ છે પરંતુ જ્યારે કરીના સૈફ સાથે લગ્ન કરવા તૈયાર થઇ ત્યારે ઘણા લોકોએ તેને ના પાડી હતી અને કહ્યું હતુ કે સૈફ સાથે તે ખુશ નહી રહી શકે.
કરીનાને લોકોએ સૈફ સાથે પરણવાની પાડી હતી ના
કરીનાએ કૉફી વિથ કરનમાં કર્યો ખુલાસો
ડિવોર્સ થવા ભારતીય સમાજમાં યોગ્ય માનવામાં નથી આવતુ
ભારતીય સમાજમાં આજે પણ જો કોઇ વ્યક્તિના ડિવોર્સ થયા હોય તો લોકો તેને એક અલગ નજરથી જ જોવે છે. દુખી થઇને સાથે જીવવુ તેના કરતા છૂટા પડીને ખુશ રહેવુ જોઇએ આ વાત ભારતીય સમાજના લોકો ક્યારેય નહી સમજી શકે કારણકે બોલીવૂડની બેબો સાથે પણ આવી ઘટના ઘટી ચૂકી છે.
કૉફી વિથ કરનમાં ખુલાસો
જ્યારે કોફી વિથ કરનમાં કરને કરીનાને તેના લગ્નજીવન વિશે પૂછ્યુ ત્યારે તેણે કહ્યું કે, જ્યારે હું સૈફ સાથે લગ્ન કરવા તૈયાર થઇ હતી ત્યારે લોકોએ મને ના પાડી હતી. લોકો કહેતા હતા કે તેના પહેલા લગ્ન તૂટી ગયા છે તે તને ખુશ નહી રાખી શકે. તે 2 બાળકોનો બાપ છે તું તેની સાથે ખુશ નહી રહે. ત્યારે હું પણ વિચારમાં પડી હતી કે ખરેખર પ્રેમ કરવો આવડી મોટી ભૂલ છે.
કરિયર પતી જશે
ખાસ કરીને કરીનાને લોકો કહેતા હતા કે સૈફ અલી ખાન સાથે લગ્ન કરીને તેનુ કરિયર ખત્મ થઇ જશે. બેબોએ જ્યારે સૈફ સાથે લગ્ન કરવાનો નિર્ણય લીધો ત્યારે તે તેના કરિયરની ટોચ પર હતી. લોકો તેને ડરાવવા લાગ્યા હતા કે જો તે સૈફ સાથે લગ્ન કરશે તો તેનુ કરિયર જ નહી રહે પરંતુ આપણે સૌ જાણીએ છીએ કે 2012 થી 2021 સુધી બેબો કેટલી સક્સેસફૂલ રહી છે.
કરીના અને અમૃતા ક્યારેય મળ્યા નથી
એક વાર કરીના કપૂરે પોતે જ આ વાતનો ખુલાસો કર્યો હતો અને કહ્યું હતુ કે તે હજુ સૈફની પહેલી પત્નીને નથી મળી. એવુ લાગે છે કે બંને જાણી જોઇને એકબીજાથી દુર રહી રહ્યાં છે. કરીના કપુરે કરન જોહરના પોપ્યુલર શો કોફી વિથ કરનની 6ઠ્ઠી સિઝનમાં આ વાતનો ખુલાસો કર્યો હતો.
કરીનાએ આ દરમિયાન પ્રિયંકા સાથે શોમાં ભાગ લીધો હતો. કરને બંનેની લાઇફના પર્સનલ સવાલ પૂછ્યા હતા અને બંને એક્ટ્રેસીસે ખુલીને જવાબ પણ આપ્યા હતા. કરીનાએ કહ્યું કે, હું તેમની ઘણી રિસપેક્ટ કરુ છુ પરંતુ આજ સુધી હું તેમને મળી નથી. હું અમૃતા અને સૈફના છૂટાછેડા થયાના ઘણા વર્ષો બાદ સૈફને મળી હતી જ્યારે તે સિંગલ હતો.
કરીના અને સૈફ બોલીવૂડના પાવર કપલ છે અને ફેન્સ બંનેની લવ લાઇફ વિશે જાણવા માટે ઘણા ઉત્સુક રહે છે. લોકો જાણવા ઇચ્છે છે કે કરીના કપૂર અને સૈફનું બોન્ડિંગ કેવુ છે. તેના માટે કરીનાએ બેડરૂમ સિક્રેટ ખોલ્યા છે.
કરીનાને આ 3 વસ્તુ જોઇએ
હાલમાં જ કરીના કપૂરે ડિસ્કવરી શો સ્ટાર વર્સિઝ ફૂડની શૂટિંગ પુરુ કર્યુ હતુ જે આજે એટલે કે 15 એપ્રિલના રોજ પ્રસારિત થશે. તે શોમાં કરીનાએ ખુલાસો કર્યો હતો. કરીનાએ કહ્યું કે મને બેડ પર ત્રણ વસ્તુ જોઇએ વાઇનની બોટલ, પાયજામો અને સૈફૂ. કરીનાનો જવાબ સાંભળીને લોકો હસવા લાગ્યા હતા. આગળ બેબોએ કહ્યું તે મને લાગે છે આનાથી શ્રેષ્ઠ કંઇ હોઇ જ ન શકે.
ઇન્ડસ્ટ્રીના પાવર કપલ સૈફીના
તમને જણાવી દઇએકે કરીના અને સૈફના લગ્નને 8 વર્ષ થઇ ગયા છે. બંને વચ્ચેની કેમેસ્ટ્રી આજે પણ એવી જ ફ્રેશ છે. બંનેના બે દીકરા છે અને લોકો આ કપલને પ્રેમથી સૈફીના બોલાવે છે. બંનેએ ઘણી ફિલ્મોમાં સાથે કામ કર્યુ છે. બંનેને જોઇને ફેન્સ પણ ધણા એક્સાઇટેડ થઇ જતા હોય છે.