IPL 2020 / 332 ખેલાડીઓ પર લગાવાશે બોલી, જાણો ક્યારે શરૂ થશે હરાજી

• IPL 2020 માટે 19 ડિસેમ્બરે થશે હરાજી
• આઈપીએલ મેનેજમેન્ટે 332 ખેલાડીઓને શોર્ટલિસ્ટ કર્યા છે
• હરાજીમાં 73 ખેલાડીઓ પર બોલી લગાવાશે

હરાજી માટે આઈપીએલ મેનેજમેન્ટે 332 ખેલાડીઓને શોર્ટલિસ્ટ કર્યા છે. ઉલ્લેખનીય છે કે, હરાજી માટે કુલ 971 ખેલાડીઓએ પોતાને રજિસ્ટર કરાવ્યા હતા. હરાજીમાં સામેલ ખેલાડીઓના નામ તમામ આઠ ફ્રેન્ચાઈઝીને મોકલી દેવામાં આવ્યા છે. 

Hi! Catch it on Dec 19 from 2:30 PM, LIVE on Star Sports 1 Hindi/1 HD Hindi, Star Sports First, 1 Tamil, 1 Telugu, 1 Kannada, 1 Bangla; 3:20 PM on Select 1/1 HD. Before that, do catch Game Plan - VIVO IPL 2020 Auction Strategy now and tomorrow at 2:00 PM on Star Sports 2/2 HD.

— Star Sports (@StarSportsIndia) December 12, 2019

19 ડિસેમ્બરે બપોરે 2.30 વાગ્યે હરાજીની પ્રક્રિયા શરૂ થશે. હકીકતમાં હરાજી સવારે 10 વાગ્યે શરૂ થવાની હતી, પરંતુ વધુને વધુ દર્શકોને આકર્ષવા માટે બ્રોડકાસ્ટર્સ અને બોર્ડે તેને પ્રાઇમ-ટાઇમ સ્લોટમાં રાખવાનો નિર્ણય કર્યો. ડિજિટલ બ્રોડકાસ્ટર્સ સ્ટાર સ્પોર્ટ્સે એક યુઝરને જવાબ આપવા હરાજીના સમયની પુષ્ટિ કરી છે.

આ વખતે ભારતીય ખેલાડીઓમાં રોબિન ઉથપ્પાનો બેઝ પ્રાઈસ સૌથી વધારે 1.5 કરોડ રૂપિયા છે. લેફ્ટ હેન્ડ ફાસ્ટ બોલર જયદેવ ઉનાદકટનો બેઝ પ્રાઈસ એક કરોડ રૂપિયા છે. જયદેવ ઉનાદકટ છેલ્લી 2 સીઝનથી સૌથી વધુ ભાવે વેચાયો હતો. ઉનાદકટ 2019 માટે 8.40 કરોડમાં વેચાયો હતો, જ્યારે 2018 માટે 11.50 કરોડ રૂપિયા બોલી લાગી હતી.  બંને વખત રાજસ્થાન રોયલ્સે ઉનાદકટ પર પોતાનો દાવ અજમાવ્યો હતો.