શિંજો આબે 2017માં જ્યારે ગુજરાતની મુલાકાતે આવ્યા હતા. ત્યારે તેમણે અમદાવાદ શહેરમાં પ્રધાનમંત્રી મોદી સાથે સફર કરી હતી.
નરેન્દ્ર મોદીના ખાસ મિત્ર જાપાનના પૂર્વ પ્રધાનમંત્રી શિંજો આબેનું નિધન
2017ના ગુજરાત મુલાકાત દરમ્યાન બંનેએ સાથે કેટલીક યાદગાર પળો વિતાવી હતી
એરપોર્ટ પર બંને મહાનુભાવો એકબીજાને ભેટી પડ્યા હતા, સાથે રોડ શો પણ કર્યો હતો
જાપાનના પૂર્વ પ્રધાનમંત્રી શિંજો આબે પર ગોળીબાર કરતાં તેમનું અવસાન થયું છે. એક સભા દરમ્યાન શિંજો આબેની છાતીમાં બે ગોળી મારવામાં આવી હતી. ગોળી વાગતા જ તેઓ અચાનક ઢળી પડ્યા હતા. ગોળી વાગ્યા બાદ 67 વર્ષીય શિંજો આબેને હાર્ટ અટેક પણ આવ્યો હતો. શિંજો આબે 2017માં જ્યારે ગુજરાતની મુલાકાતે આવ્યા હતા. ત્યારે તેમણે અમદાવાદ શહેરમાં પ્રધાનમંત્રી મોદી સાથે સફર કરી હતી.
પ્રધાનમંત્રી મોદી સાથે જાપાનના પૂર્વ પ્રધાનમંત્રી શિંજો આબેએ મુલાકાત કરી હતી. ત્યારે બંને મહાનુભાવો એકબીજાને ભેટી પડ્યા હતા.
અમદાવાદમાં આવેલા ગાંધી આશ્રમની પણ શિંજો આબેએ મુલાકાત લીધી હતી. જ્યાં તેઓએ પ્રધાનમંત્રી મોદી સાથે મહાત્મા ગાંધીજીને ફૂલ અર્પણ કર્યા હતા.
આ સાથે ગાંધીજીની વિવિધ વસ્તુઓને નીહાળી હતી. ગાંધીજીના 3 વાંદરાઓને નીહાળતા શિંજો આબે.
પ્રધાનમંત્રી મોદી સાથે જાપાનના પૂર્વ પ્રધાનમંત્રી શિંજો આબેએ રિવરફ્રન્ટનો નજારો માણ્યો હતો. તેમણે રિવરફ્રન્ટ પર બેસીને અમદાવાદ શહેરને નીહાળ્યું હતું.
જાપાનના પૂર્વ પ્રધાનમંત્રી શિંજો આબેએ હેરિટેજ વારસા તરીકે અનેક જગ્યાઓની મુલાકાત લીધી હતી તેમની એક જગ્યા છે સિદી સૈયદની જાળી.
જાપાનના પૂર્વ પ્રધાનમંત્રી શિંજો આબેએ પ્રધાનમંત્રી મોદી સાથે રોડ શો પણ કર્યો હતો. રોડ શોમાં મોટી સંખ્યામાં લોકો ઉમટી પડ્યા હતા.