ક્રિકેટ / VIDEO: વિરાટની આ હરકતના વખાણ કરી રહ્યા છે લોકો, સ્ટેડિયમમાં ઉશ્કેરણી કરનારાઓની બોલતી કરી દીધી બંધ

• ઓસ્ટ્રેલીયા સામે બીજી ટી20 મેચમાં ભારતની જીત 
• કોહલીને જોઈને ફેન્સ આરસીબી આરસીબીનો દેકારો કરવા લાગ્યા 
• કોહલીએ પોતાની જર્સી પર બીસીસીઆઈનો લોગો બતાવ્યો 

ઓસ્ટ્રેલીયા સામે બીજી ટી20 મેચમાં ભારતની જીત 

ભારતીય ક્રિકેટ ટીમે ઓસ્ટ્રેલીયા સામેની ત્રણ ટી20 મેચની સીરિઝમાં બીજી મેચમાં જીત મેળવીને 1-1ની બરાબરી કરી લીધી છે. બંને ટીમો વચ્ચે આ મેચ નાગપુરમાં રમવામાં આવી હતી. ઓસ્ટ્રેલીયા સામે આ મુકાબલામાં ફેન્સને પૂર્વ કેપ્ટન વિરાટ કોહલીની બેટિંગની અતુરતાથી રાહ હતી. જોકે , વરસાદને કારણે આ મેચમાં કોહલી જ્યારે બેટિંગ માટે મેદાન પર ઉતર્યા તો માત્ર 11 રન બનાવીને પવેલિયન ભેગા થઈ ગયા. જોકે, વિરાટ કોહલી પોતાની બેટિંગમાં ખાસ કમાલ ન બતાવી શક્યા પણ મેચ પહેલા તેમણે કંઇક એવું કર્યું, જેણે સૌનું દિલ જીતી લીધું. 

EXCLUSIVE: Virat’s reaction when the crowd chanted RCB..RCB in the second T20I at #Nagpur! #CricketWithYash #Kohli #INDvsAUS #NagpurT20I #KingKohli #cricket #CricketTwitter pic.twitter.com/JrcGrgHt1g

— Dr. Yash Kashikar (@yash_kashikar) September 24, 2022

કોહલીને જોઈને ફેન્સ આરસીબી આરસીબીનો દેકારો કરવા લાગ્યા 

વરસાદને કારણે ડગ આઉટમાં રાહ જોઈ રહેલા કોહલીને જોઈને અમુક ફેન્સ આરસીબી.. આરસીબીનો દેકારો કરી રહ્યા હતા. ફેન્સે કોશિશ કરી હતી કે કોઈપણ પ્રકારે કોહલીનું ધ્યાન તેમના તરફ જાય અને તેઓ સફળ પણ રહ્યા, પરંતુ કોહલીએ પછી જે કર્યું, તે જોઈને સૌ ચોંકી ગયા. 

કોહલીએ પોતાની જર્સી પર બીસીસીઆઈનો લોગો બતાવ્યો 

કોહલીએ આરસીબી.. આરસીબીનો દેકારો કરનાર ફેન્સને પોતાની જર્સી પર બનેલા બીસીસીઆઈના લોગો તરફ ઈશારો કરતાં જણાવ્યું કે તેઓ અત્યારે ભારતનું પ્રતિનિધિત્વ કરી રહ્યા છે ન કે આઈપીએલ ફ્રેન્ચાઇસીનું. પછી શું હતું, કોહલીના આમ કરતાંની સાથે જ ફેન્સ ચૂપ થઈ ગયા. આ દરમિયાન તેમની સાથે હર્ષલ પટેલ પણ ઊભા હતા. વિરાટ કોહલી અને હર્ષલ પટેલ બંને ઈન્ડિયન પ્રીમિયર લીગમાં રોયલ ચેલેન્જર્સ બેંગલોર માટે રમે છે.