વાયરલ VIDEO / જ્યારે ગુજરાતની ચૂંટણીમાં ફસાઈ 'BJP ની ગાડી.... બચાવવા પહોચી કોંગ્રેસ

• ગુજરાતમાં વિધાનસભાની ચૂંટણીને લઈને પ્રચાર પૂરજોશમાં
• તમામ પક્ષો પોતાના મોટા નેતાઓને મેદાનમાં ઉતારી રહ્યા છે
• વાયરલ વીડિયોમાં ભાજપનું પ્રચાર વાહન રેતીમાં ફસાયેલું જોવા મળે છે

 ગુજરાતમાં વિધાનસભાની ચૂંટણીને લઈને પ્રચાર પૂરજોશમાં ચાલી રહ્યો છે. તમામ પક્ષો પોતાના મોટા નેતાઓને મેદાનમાં ઉતારી રહ્યા છે, જ્યારે પક્ષો અન્ય માધ્યમો દ્વારા પણ મતદારો સુધી પોતાનો સંદેશ પહોંચાડવાનો પ્રયાસ કરી રહ્યા છે. આ ચૂંટણીના માહોલ વચ્ચે એક રસપ્રદ ચિત્ર સામે આવ્યું છે.

અહીં કોંગ્રેસના પ્રચાર વાહન રેતીમાં ફસાયેલા ભાજપના પ્રચાર વાહનને બહાર કાઢી રહ્યા છે. આ રસપ્રદ વીડિયો સામે આવ્યા બાદ સોશિયલ મીડિયા પર લોકો રસપ્રદ કોમેન્ટ્સ પણ કરી રહ્યા છે.

કોણ કોના સહારે ?

ભરોસાની ભાજપ સરકાર કે કોંગ્રેસનું કામ બોલે છે ?@jagdishthakormp @CRPaatil pic.twitter.com/MSh3onXdHQ

— Dixit Thakrar ( Vtv News ) (@iDixitThakrar) November 12, 2022

વાયરલ વીડિયોમાં ભાજપનું પ્રચાર વાહન રેતીમાં ફસાયેલું જોવા મળે છે. જેને કોંગ્રેસ પક્ષના પ્રચાર વાહન સાથે દોરડાથી બાંધી દેવામાં આવ્યો છે. ફરી પક્ષીય રાજકારણની પરવા કર્યા વિના કોંગ્રેસના પ્રચાર વાહનના ચાલકે રેતીમાં ફસાયેલા ભાજપના પ્રચાર વાહનને બહાર કાઢ્યું હતું.

તે જ સમયે, આમ આદમી પાર્ટીએ ટ્વીટ કરી પ્રતિક્રિયા આપી છે.. તેમણે લખ્યું હતું કે, "રેતીમાં ફસાઈ ગયેલ ભાજપના ચૂંટણી વાહનને રેતીમાંથી બહાર કાઢવા માટે કોંગ્રેસ તમામ પ્રયાસો કરી બહાર કાઢી રહી છે.

ઉલ્લેખનીય છે કે, ગુજરાતમાં પ્રથમ તબક્કાનું મતદાન 1 ડિસેમ્બરે 89 બેઠકો પર થશે અને બીજા તબક્કામાં 5 ડિસેમ્બરે 93 બેઠકો પર મતદાન થશે. મતગણતરી એટલે કે ચૂંટણીના પરિણામો 8મી ડિસેમ્બરે જાહેર થશે.