દિલ્હી વિધાનસભા ચૂંટણી પ્રચારનો આજે અંતિમ દિવસ છે અને બધી પાર્ટીઓ પોતાનું એડીચોટીનું જોર લગાવી રહી છે. જો કે હવે ઉમેદવારો ડોટ-ટૂ-ડોર કેમ્પેનમાં જોડાયાં છે. જો કે આ ચૂંટણીમાં એક નવું દ્રશ્ય જોવા મળ્યું છે. જેમાં એક પક્ષના નેતા બીજા પક્ષની ઓફિસમાં ચૂંટણીને લઇને મત માગતા જોવા મળ્યાં છે.
AAPની ઓફિસમાં ભાજપના તેજિંદર સિંહ બગ્ગા પહોંચ્યા
ચરણસ્પર્શ કરી વિજયના આશિષ લીધા
હરિનગરના ભાજપના ઉમેદવાર છે તેજિંદર સિંહ બગ્ગા
તીખા ટ્વીટના કારણે સોશિયલ મીડિયામાં ચર્ચાંમાં રહેલા તેજિંદર સિંહ બગ્ગા તેના અનોખા અંદાજ માટે પણ સતત ચર્ચામાં રહે છે. દિલ્લી ચૂંટણી પ્રચારમાં તેજિંદરસિંહ બગ્ગાનો કંઇક આવોજ અંદાજ જોવા મળ્યો હતો.
દિલ્હીમાં ગઇકાલે બુધવારના રોજ તિલકનગર વિસ્તારમાં એક અનોખો નજારો જોવા મળ્યો હતો. જેમાં આ વિસ્તારના ભાજપના ઉમેદવાર તેજેન્દ્રપાલ સિંહ બગ્ગા ડોર-ટૂ-ડોર પ્રચાર કરતા સમયે આમ આદમી પાર્ટી (AAP) ના કાર્યાલય ખાતે મત માગવા પહોંચી ગયા હતા.
ભાજપના ટવિટર હેંડલ દ્વારા આ વીડિયોમાં ઉમેદવાર તેજેન્દ્રપાલ સિંહ બગ્ગા 'આપ' ના કાર્યલાયમાં ઉપસ્થિત લોકોનું હાથ જોડીને અભિવાદન કરે છે અને આ સાથે સમર્થન આપવાની અપિલ કરે છે. જો કે અચાનકથી ભાજપના ઉમેદવાર 'આપ' ની ઓફિસમં પહોંચી જતાં ત્યાં ઉપસ્થિત આપના કાર્યકરો પણ આશ્ચર્યચકિત રહી ગયા હતા.
નોંધનિય છે કે, દિલ્હીની હરિનગરની વિધાનસભાની બેઠક પરથી તેજેન્દ્રપાલ સિંહ બગ્ગા ભાજપના ઉમેદવાર તરીકે ચૂંટણી લડી રહ્યાં છે. સામાન્ય રીતે તે કેજરીવાલ પર સતત તીખા પ્રહાર કરતાં હોય છે અને બુધવારે AAPની ઓફિસમાં તેનો આ મિજાજ ખરેખર આશ્વર્ય પમાડનાર છે.
ઉલ્લેખનીય છે કે હરિનગર વિધાનસભા ક્ષેત્રથી 'આપ'માંથી રાજકુમારી, જ્યારે ભાજપના તેજેન્દ્રપાલસિંહ બગ્ગા અને કોંગ્રેસના સુરેન્દ્ર સેઠી ઉમેદવાર છે.