ભારત સરકાર અને ટ્વિટરની વચ્ચે તણાવ હવે વધારે ભડકી ઉઠે તેવી આશંકા છે. નવા આઇટી નિયમોને લઈને બંને પક્ષો વચ્ચે ટકરાવ ખતમ નથી થઈ રહ્યો.
સરકાર સાથે ટકરાવ વધારવાના મૂડમાં ટ્વિટર
ટ્વિટરના અધિકારીઓ સંસદીય સમિતિ સામે હાજર થયા
અમે તો અમારી પોલિસી માનીએ છે : ટ્વિટર
દેશ સર્વોપરી છે તમારી પોલિસી નહીં : સંસદીય સમિતિ
ટ્વિટર પોતાના નિયમોનું પાલન કરે છે
ભારત સરકાર અને ટ્વિટરની વચ્ચે તણાવ હવે વધારે ભડકી ઉઠે તેવી આશંકા છે. નવા આઇટી નિયમોને લઈને બંને પક્ષો વચ્ચે ટકરાવ ખતમ નથી થઈ રહ્યો ત્યારે આજે સંસદીય સમિતિ સામે ટ્વિટરના પ્રતિનિધિ હાજર થયા હતા. ન્યૂઝ એજન્સી ANIના સૂત્રો અનુસાર સંસદીય સમિતિએ જ્યારે ટ્વિટરના અધિકારીને સવાલ કર્યો કે શું દેશના કાયદાનું પાલન નથી કરતાં તો અધિકારીએ જવાબ આપતા કહ્યું કે ટ્વિટર પોતાના નિયમોનું પાલન કરે છે.
સ્થાયી સમિતિ સામે હાજર થયા ટ્વિટરના અધિકારી
નોંધનીય છે કે મોદી સરકાર દેશમાં નવા IT નિયમો લઈને આવી છે, ફેસબુક સહિતની કંપનીઓએ આ નિયમોનું પાલન કરવાનું ચાલુ પણ કરી દીધું છે પરંતુ ટ્વિટરને નવા નિયમો સામે વાંધો છે. આ જ કારણે સરકાર અને કંપની વચ્ચે સતત ટકરાવ વધી રહ્યો છે. એવામાં સંસદની સ્થાયી સમિતિ દ્વારા ટ્વિટરના અધિકારીઓને આજે બોલાવવામાં આવ્યા હતા. શશી થરૂરની આગેવાનીમાં સમિતિએ ટ્વિટરના અધિકારીઓને સવાલ જવાબ કર્યા હતા.
સમિતિએ લગાવી ફટકાર
સમગ્ર મામલે ટ્વિટર કંપની તરફથી અધિકારીઓએ પોતાનું નિવેદન નોંધાવ્યું છે ત્યારે ANIના સૂત્રો પાસેથી મળતી માહિતી અનુસાર ટ્વિટરના અધિકારીઓને સ્થાયી સમિતિએ સ્પષ્ટ શબ્દોમાં કહી દીધું છે કે દેશના કાયદા સૌથી ઉપર છે, તમારા પોતાના નીતિનિયમો નહીં. સમિતિએ એમ પણ પૂછ્યું કે કાયદાના ઉલ્લંઘન બદલ તમારા પર દંડ કેમ ન લગાવવામાં આવે?
સરકારે ચડાવી છે બાંયો
નોંધનીય છે કે ટ્વિટર પહેલેથી જ દેશના નવા નિયમોને પાળવા માટે તૈયાર નથી. એવામાં સરકારે પહેલા વારંવાર નોટિસ આપીને કંપનીને મોકો આપ્યો હતો. જોકેહવે સરકારનું માનવું છે કે ટ્વિટર કંપની બોલવાની આઝાદીના નામે પોતાની જવાબદારીઑમાંથી છૂટી શકશે નહીં.