આર્યન ખાનને જામીન મળી ગયા છે જેનાથી શાહરૂખ અને ગૌરી કરતાં વધારે ખુશ કોઇ નહી થયું હોય. શાહરુખના ફેન્સ પણ આ વાતથી ખુશ છે કે તેના દિકરાને જામીન મળી ગયા છે. ત્યારે સૂત્રો દ્વારા જાણવા મળ્યું છે કે ગૌરી રડી પડી હતી.
આર્યનને જામીન મળવાં પર રડી પડી ગૌરી
બોમ્બે હાઇકોર્ટે આર્યનને બેલ ગ્રાન્ટ કરી
સલમાને કર્યો શાહરૂખ ખાનને ફોન
મુંબઇ હાઇકોર્ટે આપ્યા જામીન
બોમ્બે હાઇકોર્ટના જજ સાંબ્રેએ 28 ઓક્ટોબરના રોજ આર્યનને જામીન આપી દીધી છે. શાહરુખ અને ગૌરી તેમના દિકરા માટે ખુબ પરેશાન હતા. હવે જ્યારે આર્યનને જામીન મળી ગયા છે તો કપલ એકદમ ઇમોશનલ થઇ ગયું છે. સાથે બોલીવૂડના તેમના નજીકના મિત્રો તેમને અભિનંદન પાઠવી રહ્યાં છે.
ગૌરી રડી પડી
પરિવારથી જોડાયેલા એક મિત્રએ જણાવ્યું કે, શાહરૂખને સલમાન, અક્ષય, સુનીલ દરેકે કોલ કર્યો હતો. ગૌરીને પણ પોતાની મિત્ર મહીપ કપૂર અને સીમા ખાને કોલ કર્યો હતો. જ્યારે તેને જામીન મળવાના સમાચાર મળ્યા તો ગૌરી જમીન પર ફસડાઇ પડી હતી. ગોઠણ પર બેસીને બે હાથ જોડીને પ્રાર્થના કરતી જોવા મળી હતી. તે ધ્રુસકે ને ધ્રુસકે રડી પડી હતી. સુહાના ખાને પણ આર્યનના UK USના મિત્રોને ફોન કરીને તેમના સપોર્ટ માટે આભાર માન્યો હતો.
મુંબઈ હાઈકોર્ટે આજે ડ્રગ્સ કેસમાં શાહરૂખ ખાનના છોકરા આર્યન ખાનને જામીન આપી દીધા છે. ગત 2 ઓક્ટોબરના રોજ રેવ પાર્ટીમાં એનસીબીએ તેની ધરપકડ કરી હતી. ત્યારબાદથી તેના જામીન માટે શાહરૂખ ખાન મથ્યો હતો. જોકે હવે તેને જામીન મળી ગયા છે. પરંતુ જામીન મળ્યા બાદ પણ આર્યન ખાને કોર્ટની 5 શરતોનું પાલન કરવું પડશે.