કોરોના વાયરસને કારણે હાલ દેશના તમામ લોકો ઘરમાં કેદ છે. દેશમાં લોકડાઉન ચાલી રહ્યું છે. ત્યારે ક્રિકેટર્સ પણ ઘરમાં કેદ છે. આ દરમિયાન ક્રિકેટર્સને ક્રિકેટ, મેદાન અને સ્ટેડિયમની કેટલી યાદ આવી રહી છે, તે વિરાટ કોહલીની પત્ની અનુષ્કા શર્માની પોસ્ટથી જોઈ શકાય છે. સોશિયલ મીડિયા પર અનુષ્કાનો એક વીડિયો ખૂબ જ વાયરલ થઈ રહ્યો છે. જેમાં તે કોહલીને ચીયર અપ કરતી જોવા મળી રહી છે.
કોરોનાને કારણે રમત જગત થંભી ગયું
આ દરમિયાન અનુષ્કાએ વિરાટ સાથે કરી મસ્તી
વિરાટને મેદાનનો અનુભવ કરાવવા આ રીતે ચીયર અપ કર્યું
અનુષ્કા શર્માએ ઈન્ટાગ્રામ પર એક વીડિયો શેર કર્યો છે. જેમાં તે વિરાટને હેરાન કરતી જોવા મળી રહી છે. અનુષ્કાએ લખ્યું કે, તેને લાગે છે કે વિરાટ ક્રિકેટને ખૂબ જ યાદ કરી રહ્યો છે, કારણ કે મેદાન પર લાખો ફેન્સ તેને પ્રેમ કરે છે. અનુષ્કાએ કહ્યું, કોહલીને કેટલાક ખાસ પ્રકારના ફેન્સને પણ યાદ કરવા જોઈએ. આ જ કારણથી અનુષ્કાએ કોહલીને મેદાનનો અનુભવ કરાવવા અને ચીયર અપ કરવા આવો અનુભવ કરાવ્યો.
વીડિયોમાં અનુષ્કા કહે છે- ઓય કોહલી…ચૌકા માર ના ચૌકા…ક્યા કર રહા હૈ…જે બાદ કોહલી અનુષ્કાની સામે જુએ છે. ક્રિકેટથી દૂર પતિના ચહેરા પર સ્મિત લાવવા માટે અનુષ્કા આવું કરી રહી છે. અનુષ્કા અને વિરાટનો આ વીડિયો ફેન્સની સાથે અન્ય સેલેબ્સને પણ ખૂબ જ પસંદ આવી રહ્યો છે. ફેન્સ આ વીડિયો પર કમેન્ટ્સ કરી રહ્યાં છે.
હાલ તમામ ક્રિકેટર્સ રમત જગતથી દૂર થઈ ગયા છે. રમત જગત થંભી ગયું છે. ક્રિકેટ મેદાનથી ક્રિકેટરો એક મહિનાથી વધુ સમયથી દૂર છે. હાલ કોરોના સંકટને જોતા પહેલાં માર્ચમાં ભારત અને સાઉથ આફ્રિકાની વચ્ચેની ત્રણ વનડે મેચ સીરિઝ રદ્દ કરી દેવામાં આવી અને હવે આઈપીએલ પણ સ્થગિત કરી દેવાયું છે. એવામાં ક્રિકેટર્સ હવે ક્યારે મેદાન પર વાપસી કરશે તેના વિશે કંઈ કહી શકાય નહીં. દુનિયાભરમાં કોરોનાના કેસ સતત વધી રહ્યાં છે અને દેશમાં પણ વધારો થઈ રહ્યો છે.