અનુષ્કા શર્મા બોલિવૂડની ટોચની અભિનેત્રીઓમાંથી એક છે. તે પોતાની એક્ટિંગ અને નમ્ર વર્તનને કારણે દરેકના દિલ પર રાજ કરે છે. ત્યારે અનુષ્કાએ લિપ સર્જરીને લઈને કહી આ વાત.
અનુષ્કા શર્માએ કર્યો ખુલાસો
લિપ સર્જરીને કારણે ઉડી હતી તેની મજાક
આ કારણથી અભિનેત્રીએ કરાવી હતી સર્જરી
તમને જણાવી દઈએ કે, 2014માં તેણે તેના હોઠ સાથે કંઈક એવું કર્યું કે તેના પછી તે અચાનક ચર્ચામાં આવી ગઈએ. અચાનક અનુષ્કાના હોઠ બદલાયેલા દેખાવા લાગ્યા. જેના કારણે તેની ખૂબ મજાક પણ ઉડાવવામાં આવી. જોકે, બે વર્ષ બાદ લગભગ 2016માં તેણે સ્વીકાર્યું કે તેણે લિપ જૉબ કરાવ્યું હતું.
અનુષ્કા શર્મા 2014માં કરણ જોહરના ચેટ શોમાં પહોંચી હતી. અભિનેત્રીમાં બદલાવ જોઈ દર્શકો આશ્ચર્યચકિત થઈ ગયા હતા. લોકોએ અનુષ્કા શર્માના આ નવા લુકની મજાક પણ ઉડાવી હતી. તેને સોશિયલ મીડિયા પર ટ્રોલ કરવાનું શરૂ કરી દીધું હતું. અનુષ્કાના આ ચહેરા પર ઘણાં બધાં મીમ્સ બનવા લાગ્યા હતા અને લોકોએ તેના ચહેરાની બતકથી તુલના કરી હતી કારણ કે તે સમયે તે સામાન્યથી ઘણી અલગ દેખાઈ રહી હતી.
વર્ષ 2016માં વોગ મેગઝીનને આપેલા એક ઈન્ટરવ્યૂમાં અનુષ્કા શર્માએ આ વાત સ્વીકારી હતી. તેણે કહ્યું હતું કે, મૈં કંઈ છુપાવ્યું નથી. એટલે જ મૈં જ્યારે લિપ જૉબ વિશે જણાવ્યું તો લોકોએ ઘણાં વખાણ કર્યા અને મને બહાદુર પણ ગણાવી. પણ આવું મૈં એટલે કર્યું હતું કે મારી ફિલ્મ બોમ્બે વેલ્વેટમાં મારા રોલ માટે એ જરૂરી હતું. મૈં ક્યારેય ખોટું કીધું નથી અને કહીશ પણ નહીં. મારે આ નિર્ણય લેવાનો હતો અને હું ઈચ્છુ છું કે મારા ફેન્સ જાણે કે હું પણ માણસ છું, જે હમેશાં પરફેક્ટ નથી હોતો.
2014માં અનુષ્કા શર્માએ કહ્યું હતું કે તેણે ટેમ્પ્રેરી લિપ ઈન્હેન્સિંગ ટૂલ અને મેકઅપ ટેક્નિકનો ઉપયોગ કર્યો હતો. અનુષ્કા અને વિરાટ હાલમાં જ માતાપિતા બન્યા છે. તમને જણાવી દઈએ કે અનુષ્કા સોશિયલ મીડિયા પર ઘણી એક્ટિવ છે. તેના પોતાના ફોટોઝ અને વીડિયોઝ અવારનવાર શેર કરતી રહે છે.