અનૂ કપૂરના નામથી કદાચ તમામ લોકો જાણકાર હશે. 80-90ના દાયકમાં અનૂ કપૂર ટેલિવિઝનથી લઇને સિનેમા જગતમાં જાણીતું નામ હતુ. સિનેમા જગત સિવાય ટીવી અને રેડિયોની દુનિયામાં પણ અનૂ કપૂરે ખૂબ નામના મેળવી. 'મિસ્ટર ઇન્ડિયા'થી લઇને 'તેજાબ' જેવી ફિલ્મોને કારણે ઓડિયન્સ વચ્ચે પોપ્યુલર હતા. 90ના દાયકાની શરૂઆતમાં જ્યારે કેબલ ટીવી ઘર-ઘર સુધી પહોંચી રહ્યુ હતુ ત્યારે અંતાક્ષરી નામના રિયાલિટી શોના અનૂ કપૂરે હોસ્ટનુ કામ કર્યુ હતુ આ શોથી અનૂ કપૂર ઘર-ઘરમાં પૉપ્યુલર થયા. 63 વર્ષના અનૂ કપૂર સિનેમા જગતના તમામ મોટા સ્ટાર્સની સાથે કામ કર્યુ છે તે પછી અમિતાભ બચ્ચન હોય કે પછી અમરીશ પુરી અનિલ કપૂર હોય કે પછી સની દેઓલ જેકી શ્રોફ હોય કે પછી ઇરફાન ખાન...
અનૂ કપૂરના ફિલ્મી કરિયરમાં એક સમય એવો પણ આવ્યો જ્યારે તેઓ પ્રિયંકા ચોપરા પર ભડકી ગયા હતા. વાસ્તવમાં ઘટના એવી હતી કે અનૂ કપૂરને વિશાલ ભારદ્વાજની ફિલ્મ 'સાત ખૂન માફ'માં પ્રિયંકા ચોપરાના ઓપોઝિટમાં કાસ્ટ કરવામા આવ્યા હતા. ફિલ્મની ડિમાન્ડ અનુસાર પ્રિયંકા ચોપરાની સાથે ઇન્ટિમેટ સીન કરવાના હતા અનૂ કપૂર તો તૈયાર થઇ ગયા પરંતુ પ્રિયંકા ચોપરાએ તેમની સાથે સીન કરવાનો ઇન્કાર કરી દીધો. પ્રિયંકા ચોપરાનું કહેવુ હતુ કે ''અનૂ કપૂર તેના પિતાના મિત્ર છે અને તેનાથી ઉંમરમાં ઘણા મોટા છે આ માટે પ્રિયંકા તેમની સાથે આ પ્રકારના સીન કરવા માટે કન્ફર્ટેબલ ન હતી.''
જોકે આ વાતની ખબર જ્યારે અનૂ કપૂરને પડી ત્યારે તેઓ પ્રિયંકા પર ગુસ્સે થયા અને કહ્યુ કે ''પ્રિયંકાને ઇન્ટિમેટ સીન કરવામાં મુશ્કેલી નથી પરંતુ મારી સાથે ઇન્ટિમેટ થવામાં મુશ્કેલી છે કેમકે આ હું દેખાવમાં હીરો જેટલો હેન્ડસમ નથી એટલે પ્રિયંકા ઇન્કાર કરી રહી છે.'' અનૂ કપૂરની જ્યારે આ વાત પ્રિયંકા ચોપરાને ખબર પડી ત્યારે પ્રતિક્રિયા આપતા કહ્યુ કે ''અનૂજી ઉંમરમાં ઘણા મોટા છે અને તેમને આ પ્રકારની વાતો શોભા નથી આપતી તેઓ સારી રીતે જાણે છે કે આ કારણ નથી તેમ છતાં આવી વાત કરી.''