બીજેપીના રાષ્ટ્રીય અધ્યક્ષ બન્યા બાદ જગત પ્રકાશ નડ્ડા એટલે કે જેપી નડ્ડા જ્યારે પાર્ટી કાર્યાલય પહોંચ્યા તો તેમનું બીજેપી પદાધિકારીઓ તરફથી સ્વાગત કરવામાં આવ્યું. પરંતુ ગૃહમંત્રી અમિત શાહનો અંદાજ કંઇક અલગ જોવા મળ્યો.
અમિત શાહે જેપી નડ્ડાને પહેલા પદભાર સોંપ્યો અને બાદમાં મિઠાઇ ખવડાવી
અમિત શાહે જેપી નડ્ડાને બેસાડવા માટે ખુદ ખુરશી ખેંચીને આપી
અમિત શાહે જેપી નડ્ડાને પહેલા પદભાર સોંપ્યો અને બાદમાં મિઠાઇ ખવડાવી. તેના બાદ કંઇ એવુ કર્યું કે ત્યાં હાજર લોકો પણ સ્મિત કર્યા વિના ન રહી શક્યા. અમિત શાહે જેપી નડ્ડાને બેસાડવા માટે ખુદ ખુરશી ખેંચીને આપી. પહેલા તો જેપી નડ્ડાએ શિષ્ટાચારવશ ઇનકાર કર્યો પરંતુ તેઓ અમિત શાહના આગ્રહને ટાળી ન શક્યા.
નોંધનીય છે કે, પૂર્વ કેન્દ્રીય મંત્રી જગત પ્રકાશ નડ્ડા સોમવારે નિર્વિરોધ ભાજપના નવા અધ્યક્ષ ચૂંટવામાં આવ્યા. ગત વર્ષે જૂનમાં બીજેપીના કાર્યકારી અધ્યક્ષ નિયૂક્ત કરવામાં આવેલા નડ્ડા અમિત શાહના નવા અધ્યક્ષ ચૂંટાયા છે. બીજેપીના વરિષ્ઠ નેતાઓ અમિત શાહ, રાજનાથ સિંહ અને નીતિન ગડકરી અને ઘણા મંત્રીઓ અને નેતાઓએ સોમવારે નામાંકનની પ્રક્રિયા દરમિયાન નડ્ડાના નામનો પ્રસ્તાવ રજૂ કર્યો હતો.
#WATCH Jagat Prakash Nadda takes over as National President of Bharatiya Janata Party (BJP) after being elected unopposed. pic.twitter.com/ZzADQd3WOX
ગત જૂનમાં બીજેપી કાર્યકારી અધ્યક્ષ નિમણૂક પામેલા નડ્ડા અમિત શાહની જગ્યાએ પાર્ટીના નવા અધ્યક્ષ બન્યા છે. વર્તમાન સમયમાં ગૃહ મંત્રીનું ઉત્તરદાયિત્વ નિભાવી રહેલા શાહે સાડા પાંચ વર્ષ સુધી બીજેપી અધ્યક્ષની જવાબદારી નિભાવી અને તેમના અધ્યક્ષ રહેતા 2019ની લોકસભા ચૂંટણીમાં ભાજપે પોતાની સૌથી મોટી જીત નોંધાવી તથા આખા દેશમાં પાર્ટીનો વિસ્તાર થયો.
જેપી નડ્ડાનું રાજકીય કરિયર
1993થી લઇને 2002 સુધી હિમાચલ પ્રદેશ વિધાનસભાના સદસ્ય, 1998થી લઇને 2003 સુધી હિમાચલ પ્રદેશ સરકારમાં કેબિનેટ મંત્રી, 2008થી લઇને 2010 સુધી ધૂમલ સરકારમાં મંત્રી, ઘણા મંત્રાલય સંભાળ્યા, એપ્રિલ 2012માં રાજ્યસભા સાંસદ ચૂંટવામાં આવ્યા, 2014થી લઇને 2019 સુધી મોદી સરકારમાં સ્વાસ્થ્ય મંત્રી, જૂન 2019માં બીજેપીના કાર્યકારી અધ્યક્ષ ચૂંટાયા.