ઉત્તર પ્રદેશના કનૌજમાં એક ચોંકાવનારી ઘટના સામે આવી છે જેમાં એક પરિવારના સભ્યોને મેથીની ભાજી સમજીને જે રાંધીને જે જમ્યાં તેના કારણે હોસ્પિટલ ભેગાં થવાનો વારો આવ્યો હતો.
ઉત્તર પ્રદેશના કનૌજમાં એક ચોંકાવનારી ઘટના સામે આવી
મેથીની ભાજી સમજી રાંધવામાં આવ્યો ગાંજો
પરિવારના સભ્યોને હોસ્પિટલ ખસેડવા પડ્યા
યુપીના કનૌજમાં એક પરિવારે મેથીની ભાજી સમજીને જે ભાજી રાંધીને ખાઇ લીધી એ ખરેખરમાં ગાંજો હતો. શનિવારે મિયાગંજ ગામમાં આ ઘટના ઘટી હતી. એક શાકભાજી વાળાએ ભાજીને બદલે ગાંજો વેચ્યો અને વેચતી વખતે કહ્યું કે આ મેથી છે. ખરીદનાર શખ્સને સમજાયું નહીં કે તેને મેથીને નામે ગાંજો અપાયો અને તેણે ઘરે આવીને તેની ભાભીને આ ‘ભાજી’ આપી દીધી.
મેથીની ભાજી સમજીને આ ગાંજાના પાંદડા રાંધ્યા
સાંજે ચાર વાગ્યાની આસપાસ તેની ભાભાએ મેથીની ભાજી સમજીને આ ગાંજાના પાંદડા રાંધી નાખ્યા અને પછી ઘરનાં 6 સભ્યોએ ‘ગાંજાનું શાક ખાધું’.
પરિવારની તબિયત લથડી
થોડા સમય બાદ આ પરિવારની તબિયત લથડી અને તેમણે પાડોશીએને કહ્યુ કે જલ્દીથી ડૉક્ટરને બોલાવે. ડૉક્ટર આવે તે પહેલા તો તમામ સભ્યો બેભાન થઇ ગયા અને પાડોશીઓએ પોલીસ બોલાવી લીધી હતી.
શાક બનાવવા માટે ભૂલથી ગાંજો પધરાવી દીધાનો થયો ખુલાસો
પોલીસે આવીને તરત જ પરિવારનાં સભ્યોને જિલ્લાની હૉસ્પિટલમાં દાખલ કર્યા અને રાંધેલા શાકને અને નહીં વપરાયેલા ગાંજાને આધારેતપાસ કરી શાકભાજી વાળાને શોધી કાઢ્યો હતો. પોલીસની તપાસમાં જાણવા મળ્યું કે ગામના એક શખ્સે મજાકના ઈરાદાથી આ પરિવારને શાક બનાવવા માટે ગાંજો પધરાવી દીધો હતો.