હિંસા / આ સ્થળે રેલીમાં બોમ્બ ધડાકા થતાં ભાજપ નેતાએ કહ્યું," પોલીસને મદદ માટે બોલાવી છતાંય... 

• ભાજપની બંગાળ રેલીમાં થઈ હિંસા 
• આસનસોલમાં થયેલી હિંસા મામલે ભાજપે TMC પર લગાવ્યો આરોપ 
• TMC એ સામા જવાબમાં કહ્યું," તેમણે અમારા પર કર્યો હુમલો 

શનિવારે પશ્ચિમ બંગાળના પશ્ચિમ બર્ધમાન જિલ્લા અંતર્ગત આસનસોલ ના જામગ્રામમાં યોજાયેલી ભાજપ ની રેલીમાં દેશી બોમ્બ ફેંકવાનો મામલો સામે આવ્યો છે. ANI એ સ્થાનિક ભાજપ નેતાઓને ટાંકીને રિપોર્ટ આપ્યો છે જેમાં ભાજપ ના નેતા લખન ગોરૂઇએ કહ્યું કે, " TMC ના ગુંડાઓએ બોમ્બ ફેંકીને અડધો ડઝનથી વધુ લોકોને ઈજા પહોંચાડી હતી." ઘાયલોને તાત્કાલિક હોસ્પિટલમાં ખસેડાયા હતા.

BJP had a rally in which people were carrying bombs. Some of our people were in the vicinity & carrying out a local govt scheme drive. Meanwhile, the BJP workers attacked us under the guise of the rally. We condemn this: Bidhan Upadhyay, TMC https://t.co/uZLmiZNyyj pic.twitter.com/DqePl2czRp

— ANI (@ANI) December 5, 2020

ભાજપ નેતાનો દાવો," પોલીસ મદદ માટે ન આવી"

સ્થાનિક ભાજપ નેતાએ દાવો કર્યો હતો કે પોલીસને મદદ માટે બોલાવ્યા છતાં કોઈ કાર્યવાહી કરવામાં આવી નથી. બીજી તરફ, TMC નેતા બિધન ઉપાધ્યાયે ભાજપના આક્ષેપોનો જવાબ આપ્યો હતો અને કહ્યું હતું કે "ભાજપ એ રેલીનું આયોજન કર્યું હતું અને તેના લોકો બોમ્બ લઈને આવ્યા હતા. અમારા પક્ષના કાર્યકરો નજીકમાં જ રાજ્ય સરકારની યોજનાઓની જાણકારી આપી રહ્યા હતા. દરમિયાન, રેલીની વચ્ચે ભાજપ ના કાર્યકરોએ TMC ના લોકો પર હુમલો કર્યો હતો. અમે તેની નિંદા કરીએ છીએ."

આવતા વર્ષે છે વિધાનસભાની ચૂંટણી

આવતા વર્ષે પશ્ચિમ બંગાળ વિધાનસભાની ચૂંટણી માટે ભાજપ એ જોરશોરથી તૈયારી શરૂ કરી દીધી છે, જ્યારે મમતા બેનર્જીની આગેવાનીવાળી TMC એ પણ તેને ધ્યાનમાં લઈને તેની વ્યૂહરચના ઘડવી શરૂ કરી દીધી છે. બંને પક્ષોની રણનીતિને લઈને રાજ્યનું રાજકીય તાપમાન વધી રહ્યું છે.