વેક્સિનેશન સર્ટિફિકેટ પર પ્રધાનમંત્રી મોદીનો ફોટો હટાવવાની માગ કરનાર અરજદારને ખખડાવતા કેરળ હાઈકોર્ટે મોટી ટીપ્પણી કરી.
વેક્સિનેશન સર્ટિ. પર PMની તસવીરનો મામલો
અરજદારે કેરળ હાઈકોર્ટમાં કરી અરજી
વેક્સિનેશન સર્ટિ. પર PMની તસવીર હટાવવાની માગ
હાઈકોર્ટે કહ્યું, PMનો ફોટો જોઈને કેમ શરમ આવે છે?
આખરે તેઓ આપણા PM છે
વેક્સિનેશન સર્ટિફિકેટ પર પ્રધાનમંત્રી મોદીના ફોટા સંબંધિત અરજીની સુનાવણી કરતા જસ્ટીસ પી.વી. કુન્હીકૃષ્ણે એવું જણાવ્યું કે તેઓ આપણા પ્રધાનમંત્રી છે, બીજા કોઈ દેશના પ્રધાનમંત્રી નથી. તેઓ જનાદેશ વડે સત્તામાં આવીને પીએમ બન્યા છે, તમને રાજકીય મતભેદ હોય તેનાથી કંઈ આ કેસ ન બની શકે કે તમે તેને ન પડકારી શકો. તમને આપણા પ્રધાનમંત્રીનું શું શરમ આવે છે. 100 કરોડ લોકોને આમાં કંઈ શરમ જેવું લાગતું નથી તો પછી તમે શા માટે રઘવાયા થયા છો. દરેક વ્યક્તિનો અલગ અલગ રાજકીય અભિગમ હોઈ શકે. તેમ છતાં પણ તેઓ આપણા પ્રધાનમંત્રી છે. તમે કોર્ટનો સમય ખરાબ કરી રહ્યાં છો.
શું છે મામલો
કેરળના એક અરજદારે હાઈકોર્ટમાં વેક્સિનેશન સર્ટિફિકેટ પર મોદીની તસવીરને મુદ્દો બનાવીને તેની વિરૃદ્ધ હાઈકોર્ટમાં અરજી કરી હતી અને તેને હટાવવાની માગ કરી હતી. અરજદારનું કહેવું છું કે બીજા કોઈ દેશના પ્રધાનમંત્રીની તસવીર વેક્સિનેશન સર્ટિફિકેટ પર આવતી નથી તો પછી ભારતના પીએમની તસવીર શા માટે મૂકવામાં આવે.
બીજા દેશોને તેમના વડા પ્રધાન પર ગર્વ નહીં હોય, ભારતને તો છે-હાઈકોર્ટ
અરજદારની દલીલ પર જવાબ આપતા હાઈકોર્ટે કહ્યું કે બીજા દેશોને તેમના વડા પ્રધાન પર ગર્વ નહીં હોય, પરંતુ આપણને આપણા પીએમ પર ગર્વ છે. તમને ગર્વ થવો જોઈએ કે તમારા રસીકરણ પ્રમાણપત્રમાં તમારા વડા પ્રધાનનો ફોટોગ્રાફ છે."અરજદારના વકીલે જવાબ આપ્યો, "વ્યક્તિએ ગર્વ કરવો જોઈએ કે નહીં તે વ્યક્તિગત પસંદગી છે."અરજદાર તરફથી હાજર રહેલા એડવોકેટ અજિત જોયે દલીલ કરી હતી કે રસીકરણ પ્રમાણપત્ર તેમની ખાનગી જગ્યા છે અને તેના પર તેમને કેટલાક અધિકારો છે.