વોટ્સએપમાં આવ્યું નવુ ફીચર. આ નવું ફિચર તમારા ખૂબ કામમાં આવી શકે છે. આ ફીચરની મદદથી તમે બીજા યૂઝર્સને વીડિયો મોકલતા પહેલા આ કામ કરી શકશો.
હવે વીડિયો મ્યૂટ કરીને મોકલી શકશો
ઘણાં સમયથી આ ફીચરની રાહ જોવાતી હતી
વોટ્સએપ તેની પ્રાઇવસી પોલિસીને લીધે ચર્ચામાં છે
વીડિયોનો અવાજ બંધ કરી શકશો
વોટ્સએપનાં નવા ફીચર દ્વારા હવે યૂઝર તેનાં મિત્રને મોકલાતા વીડિયોનો અવાજ તમારી રીતે બંધ કરી શકશો. એટલે કે વોટ્સએપ યૂઝર્સ હવે જ્યારે કોઈ વીડિયો સામે વાળા વ્યક્તિને મોકલશે ત્યારે તેમાં અવાજ નહીં હોય. ઘણાં સમયથી વોટ્સએપનાં આ ફીચરની રાહ જોવામાં આવી રહી હતી.
બીટા વર્ઝનમાં હતુ
વોટ્સએપનો મ્યૂટ વીડિયો ફીચર પહેલા બીટા વર્ઝનમાં હતો. હવે તેનું સ્ટેબલ વર્ઝન આવી ગયુ છે. વોટ્સએપનું આ નવુ ફીચર કદાચ હાલ બધા યૂઝર્સ પાસે પહોંચ્યુ નથી. આગામી 1-2 દિવસોમાં વોટ્સએરપનું આ ફીચર બધા યૂઝર્સ માટે અવેલેબલ રહેશે.
ફક્ત સ્પીકર જેવા આઇકોન પર ટચ કરવાનું રહેશે
કોઈપણ વોટ્સએપ યૂઝરને જો તમે મ્યૂટ વીડિયો મોકલવા ઈચ્છતા હશો તો હવે વીડિયો બીજા યૂઝરને મોકલતા પહેલા મ્યૂટ કરી શકશો. તેના માટે તમે જેમ પહેલા વીડિયો મોકલતા હતા તેવી જ રીતે વીડિયો મોકલવાનો રહેશે બસ તેમાં આપેલ નવા મ્યૂટનાં ઓપ્શન પર ટચ કરવાથી વીડિયોનો અવાજ બંધ થઈ જશે. જે ફોન સ્ક્રીનની ડાબી બાજુ સ્પીકરનાં આઇકોનની જેમ બતાવવામાં આવ્યું છે. વીડિયો મોકલતા પહેલા યૂઝર્સે તે આઇકોનને ટચ કરવાનો રહેશે જેથી અવાજ બંધ થઈ જશે.
વોટ્સએપ છે ચર્ચામાં
વોટ્સએપ છેલ્લા ઘણાં સમયથી તેની નવી પ્રાઇવસી પોલિસી અંગે ચંર્ચામાં છે. પહેલા વોટ્સએપ 8 ફેબ્રુઆરીએ તેનાં નવા નિયમો લાગુ કરવાનું હતું પણ ત્યારબાદ વિવાદ થતા હવે તેને 15 મે સુધી ટાળી દેવામાં આવ્યું છે. વોટ્સએપને તેની નવી પ્રાઇવસી પોલિસીને લીધે ઘણી આલોચના વેઠવી પડી છે.