આ વર્ષે વોટ્સએપમાં ઘણાં શાનદાર ફીચર આવવાના છે. કંપની આ ફીચર દ્વારા યુઝર્સના ચેટના અનુભવ સુધારવા જઈ રહી છે. જોકે, દુનિયાભરના લાખો યુઝર વોટ્સએપના આ નવા અને લેટેસ્ટ ફીચર્સની મજા લઈ નહીં શકે. ફેબ્રુઆરી 2020થી લાખો સ્માર્ટફોન પર વોટ્સએપ કામ કરવાનું બંધ કરી દેશે. ગૂગલ મુજબ, 75 લાખથી વધુ એન્ડ્રોઈડ સ્માર્ટફોન જૂની ઓપરેટિંગ સિસ્ટમ પર કામ કરી રહ્યાં છે. જેથી આ સ્માર્ટફોન પર વોટ્સએપ બંધ થઈ જશે. આ સિવાય, લાખો iPhone યુઝર્સ પણ તેમના સ્માર્ટફોનમાં વોટ્સએપ એક્સેસ નહીં કરી શકે.
વોટ્સએપના યુઝર્સ માટે કામના સમાચાર
1 ફેબ્રુઆરીથી આ સ્માર્ટફોનમાં બંધ થશે વોટ્સએપ
75 લાખથી વધુ એન્ડ્રોઈડ સ્માર્ટફોન નહીં ચાલે
આ એન્ડ્રોઈડ અને આઈઓએસ ડિવાઈસ પર નહીં કરે કામ
વોટ્સએપ ગયા વર્ષથી જ આ અંગે યુઝર્સને એલર્ટ કરી રહ્યું છે. કંપનીએ કહ્યું હતું કે, સારાં અનુભવ અને વોટ્સએપમાં નવા ફીચર્સ માટે જૂની ઓપરેટિંગ સિસ્ટમ પર ચાલતા ડિવાઈસમાં તેનો સપોર્ટ બંધ થઈ જશે. જે ઓએસ પર વોટ્સએપ 1 ફેબ્રુઆરીથી કામ નહીં કરે તેમાં એન્ડ્રોઈડની સાથે આઈઓએસ પણ સામેલ છે. કંપનીએ સ્પષ્ટ કરી દીધું છે કે, વોટ્સએપ એન્ડ્રોઈડ 2.3.7 અને જૂના આઈઓએસ 7 અને જૂની ઓપરેટિંગ સિસ્ટમ રન કરતાં ડિવાઈસમાં વોટ્સએપ ઓપરેટ નહીં થઈ શકે.
75 લાખથી વધુ સ્માર્ટફોન પર થશે બંધ
થોડા સમય પહેલાં જ ગૂગલ પર એક રિપોર્ટ રજૂ કરવામાં આવી હતી. જેમાં જૂની ઓપરેટિંગ સિસ્ટમવાળા સ્માર્ટફોનની લિસ્ટ જણાવી હતી. ગૂગલે તેની રિપોર્ટમાં કહ્યું હતું કે, દુનિયાભરમાં જૂના એન્ડ્રોઈડ વર્ઝન પર ચાલનારા સ્માર્ટફોન્સની સંખ્યા 75 લાખ છે.
બેસ્ટ અનુભવ માટે ઉઠાવ્યું આ પગલું
વોટ્સએપે આ અંગે કહ્યું કે, વોટ્સએપ આગામી 7 વર્ષની પ્લાનિંગ કરીને ચાલી રહ્યું છે. આમાં કંપની એ જ ઓપરેટિંગ સિસ્ટમ પર ફોકસ કરશે, જેના યુઝર્સની સંખ્યા સૌથી વધારે છે. કંપનીએ કહ્યું, જૂના સ્માર્ટફોન ભવિષ્યમાં આવનારા વોટ્સએપના ફીચર્સને સપોર્ટ નહીં કરી શકે અને તેમાં યુઝરની પ્રાઈવેસી પર પણ ખતરો ઊભો થાય છે. જેથી કંપનીએ ગ્રાહકોને નવા ડિવાઈસ ખરીદવા કહ્યું છે.