પોપ્યુલર મેસેજિંગ એપ વોટ્સએપ યુઝર્સ માટે પ્રાઈમરી મેસેજિંગ એપ બની ચૂકી છે. જોકે, વર્ષ 2020 ઘણાં વોટ્સએપ યુઝર્સ માટે ખરાબ સમાચાર લઈને આવ્યું છે. 1 ફેબ્રુઆરી 2020થી વોટ્સએપ જૂના iOS અને એન્ડ્રોઈડ વર્ઝન પર કામ કરવાનું બંધ કરી દેશે. જેથી યુઝર આ ફોનમાં નવું એકાઉન્ટ પણ નહીં બનાવી શકે અને વોટ્સએપ એકાઉન્ટને વેરિફાઈ પણ નહીં કરી શકે. વોટ્સએપે ગયા વર્ષે જ કન્ફર્મ કરી દીધું હતું કે, 1 ફેબ્રુઆરી 2020થી એન્ડ્રોઈડ વર્ઝન 2.3.7 અને તેનાથી જૂના વર્ઝનની સાથે iOS 8 અને તેનાથી જૂના વર્ઝનના આઈફોન્સમાં વોટ્સએપ કામ કરવાનું બંધ કરી દેશે.
વોટ્સએપ યુઝર્સ આપજો ધ્યાન
1 ફેબ્રુઆરી પહેલાં આ સ્માર્ટફોન કરી લો અપડેટ
નહીંતર બંધ થઈ જશે વોટ્સએપ
હવે એક જ ઓપ્શન બચ્યો છે
રાહતની વાત એ છે કે, મોટાભાગના ફોન હજી પણ લેટેસ્ટ ઓએસને ડાઉનલોડ કરી શકે છે અને તેમના જૂના ડિવાઈસ પર 1 ફેબ્રુઆરી બાદ પણ વોટ્સએપ ચલાવી શકે છે. iOS 9 ઓએસ આઈફોન 4s અને એ પછી આવેલાં બધાં જ આઈફોન્સ માટે ઉપલબ્ધ છે. આઈફોન 4s વર્ષ 2011માં લોન્ચ થયો હતો.
આ રીતે જાણો ઓએસ વર્ઝન
યુઝર કેટલાક સરળ સ્ટેપ્સ ફોલો કરીને સ્માર્ટફોનમાં રહેલી ઓપરેટિંગ સિસ્ટમનું વર્ઝન કયું છે તે જાણી શકે છે. જો તમે એન્ડ્રોઈડ યુઝર છો તો ઓએસ વર્ઝન વિશે જાણકારી મેળવવા માટે સેટિંગમાં આપેલાં અબાઉટ ફોન સેક્શનમાં જવું પડશે. અહીં તમારે સોફ્ટવેર ઈન્ફર્મેશન ઓપ્શન પર ટેપ કરીને ઓએસ વર્ઝનની જાણકારી મળી જશે. જ્યારે બીજી બાજુ આઈફોન યુઝર્સને ઓએસ વર્ઝનની જાણકારી મેળવવા માટે સેટિંગમાં આપેલાં જનરલ ઓપ્શનમાં જઈ સોફ્ટવેર અપડેટ પર ટેપ કરવું પડશે. આ રીત અપનાવી તમે તમારા સ્માર્ટફોનના ઓએસ વર્ઝનની જાણકારી મેળવી શકો છો.
કરી શકો છો અપડેટ
જો તમારા ફોનમાં જૂનું ઓએસ છે તો તમે તેને અપડેટ પણ કરી શકો છો. ઉલ્લેખનીય છે કે, 1 ફેબ્રુઆરી પહેલાં એન્ડ્રોઈડ અને આઈફોન યુઝર્સ ઓએસ અપડેટ કરીને વોટ્સએપનો ઉપયોગ ચાલુ રાખી શકે છે. જોકે, વિન્ડોઝ સ્માર્ટફોનના યુઝર્સ માટે વર્ષ 2020 નિરાશા લઈને આવ્યું છે.