ઈંસ્ટન્ટ મેસેજિંગ WhatsAppમાં એક નવું ફિચર જોડાયું છે. જોકે આ વોઈસ મેસેજ યૂઝ કરવાનો અનુભવ બદલવા માટે છે. WhatsAppમાં વોઈસ મેસેજનું ફિચર છે જેના હેઠળ તમે તમારો વોઈસ રેકોર્ડ કરીને સેન્ડ કરી શકો છો. અત્યારે મોકલવામાં આવેલા વોઈસ મેસેજને એક-એક કરીને સાંભળીએ છીએ પરંતુ નવું ફીચર આવ્યા બાદ એવું નહીં થાય. ઉદાહરણ તરીકે કોઈએ તમને પાંચ વોઈસ મેસેજ મોકલ્યા છે તો એક વોઈસ મેસેજ સાંભળ્યા બાદ તમારે બીજા વોઈસ મેસેજ પર ક્લિક કરવાનું હોય છે ત્યારે જ તમે સાંભળી શકો છો.
WABetainfoના રિપોર્ટ બાદ ગૂગલ પ્લે બીટા પ્રોગ્રામ નવું અપડેટ સબમિટ કર્યું છે. જેના હેઠળ એક વોઈસ મેસેજ પ્લે કર્યા બાદ બીજો મેસેજ આપમેળે પ્લે થશે. એટલે કે જો ચાર વોઈસ મેસેજ છે તો એકને પ્લે કરતા સતત આપમેળે જ ચારેય વોઈસ મેસેજ સાંભળી શકશો. દર વખતે તમારે વોઈસ મેસેજ પર ક્લિક કરીને પ્લે કરવાની જરૂર નહીં પડે. હાલ આ ફિચર WhatsAppના સ્ટેબલ વર્ઝનમાં બધા માટે આવ્યું નથી. આગામી અપડેટ સાથે આ ફીચર મળી શકે છે. આ ફીચરને Consecutive Voice Message જણાવાઈ રહ્યું છે.
નવા અપડેટ બાદ એક વોઈસ મેસેજ પ્લે થયા પછી બીજામાં સ્વિચ થતા પહેલા તમને ટોન સંભળાશે જેનાથી તમે સમજી શકશો કે પહેલો વોઈસ મેસેજ ખતમ થઈ ચૂક્યો છે અને હવે આગામી વોઈસ મેસેજ સાંભળશો. બીજો ટોન ત્યારે સંભળાશે જ્યારે આગળ કોઈ બીજો વોઈસ મેસેજ નહીં હોય. આ નવા ફીચરથી વોઈસ મેસેજ વાપરવાનો અનુભવ નિશ્ચિત રીતે બદલાશે અને સરળ પણ હશે.