ટેક્નોલોજી / વૉટ્સઍપમાં આવશે નવા 4 ફીચર્સ, જે ઍપના રંગરૂપ બદલી નાંખશે

• વૉટ્સઍપમાં આવશે નવા ફીચર્સ 
• ફેસબૂકની જેમ કરી શકાશે લોગઆઉટ
• યુઝર્સને જકડી રાખવા લવાશે નવી ફીચર્સ 

વૉટ્સઍપ યુઝર્સની જરૂરિયાતને પૂરી કરવાના દરેક પ્રયત્નો કરી રહ્યું છે. વૉટ્સઍપ પ્રાઇવસી વિવાદ બાદ કંપની આક્રમક થઇને નવા ફીચર લાવવાની તૈયારીમાં છે. ટેલિગ્રામ અને સિગ્નલ પર લોકો જઇ રહ્યાં હતા અને યુઝર બીજી ઍપ યુઝ કરવાના આદિ થઇ જાય તે પહેલા જ વૉટ્સઍપ નવા ફીચર લાવવા જઇ રહ્યું છે. 

ફેસબૂકની જેમ કરી શકશો લોગઆઉટ 
વૉટ્સઍપ જલ્દી જ તેવુ ફીચર લાવશે જેમાં ફેસબૂકની જેમ તેને લોગઆઉટ કરી શકશો. આ ફીચર તે લોકો માટે લાગૂ પડશે જેને વૉટ્સઍપ પર સતત મેસેજ આવતા રહે છે. હાલમાં વૉટ્સઍપને માત્ર ડિલીટ કરવાનો ઓપ્શન આપવામાં આવી રહ્યો છે. 

WaBetaInfoની એક રિપોર્ટ અનુસાર વૉટ્સઍપના નવા વર્ઝનમાં લોગઆઉટ કરવાની સુવિધા આપવામાં આવી છે. આઇઓએસ અને એન્ડ્રોઇડ બંને માટે આ ફીચર કામ કરશે. આ સ્ટાન્ડર્ડ વૉટ્સઍપ સાથે બિઝનેસ વૉટ્સઍપમાં પણ કામ કરશે. આ ફીચરની સાથે ડિલીટ કરવાનો ઓપ્શન હટાવી દેવામાં આવશે. 

એક કરતા વધારે ડિવાઇસમાં ચાલશે વૉટ્સઍપ
વૉટ્સઍપ મલ્ટી ડિવાઇઝ સપોર્ટ ફીચર પર પણ કામ કરશે. આ ફીચર યુઝર્સની ડિમાન્ડ પર કરી રહ્યાં છે. આ ફીચરથી વૉટ્સઍપ યુઝર પોતાના અકાઉન્ટને ઘણી ડિવાઇઝમાં એક સાથે લિંક કરી શકશે. 

વૉટ્સઍપ વૅબથી કરી શકશો કૉલ 
અત્યાર સુધી વૉટ્સઍપથી માત્ર ઓડિયો અને વીડિયો કોલ કરવાની જ સુવિધા મળતી હતી હવે વૉટ્સઍપ વૅબથી કોલ કરવાની સુવિધા મળી શકે છે. ટેલિગ્રામમાં આ ફીચર પહેલાથી છે. 

ચૅટ કરી શકશો ઇગ્નોર 
છેલ્લા થોડા સમયથી રીડ લેટર ફીચર આવવાની પણ ચર્ચા છે. આ ફીચર જલ્દી આવવાની આશા છે. આ ફીચરનો ઉપયોગ તમે કોઇની ચૅટને ઇગ્નોર કરવા માટે કરી શકો છો.