વોટ્સએપ યુઝર્સને મળશે હવે આ નવી સુવિધા, આવી રહ્યું છે જોરદાર નવું ફીચર | Whatsapp Users Will Soon Be Able To Send Animated Stickers
વોટ્સએપના ગ્રાહકો માટે સારાં સમાચાર
યુઝર્સને મળશે નવો ફીચર
હવે યુઝર્સ એનિમેટેડ સ્ટિકરનો કરી શકશે ઉપયોગ
રિપોર્ટ મુજબ એન્ડ્રોઈડ અને આઈઓએસ બંને બીટા વર્ઝનમાં એનિમેટેડ સ્ટિકર્સને સપોર્ટ મળી શકે છે. એન્ડ્રોઈડ વર્ઝન 2.20.194.7 અને આઈઓએસ વર્ઝન 2.20.70.26માં નવો વોટ્સએપ ફીચર રોલ આઉટ કરવામાં આવી શકે છે. રિપોર્ટમાં કહેવામાં આવ્યું છે કે, સ્ટિકર સપોર્ટ એક થ્રી ફોલ્ડ સિસ્ટમમાં વોસ્ટએપ પર આવશે. એટલે કે સૌથી પહેલાં યુઝર્સ એનિમેટેડ સ્ટિકર્સને જોઈ શકશે.
જ્યારે યુઝર એનિમેટેડ સ્ટિકર્સ જોઈ શકશે ત્યારે સેવ અને સેન્ડનો ઓપ્શન પણ મળશે. WABetaInfoએ દાવો કર્યો છે કે, છેલ્લા ઘણાં મહિનાઓથી સ્ટિકર બનાવવાવાળી કંપની સ્ટિકર્સ ક્રિએટ કરવા પર કામ કરી રહી છે અને આ જ કારણથી એનિમેટેડ સ્ટિકર્સને ઈમ્પોર્ટ કરવાનો ઓપ્શન પણ મળશે. સાથે જ વોટ્સએપ સ્ટોરથી ડિફોલ્ટ એનિમેટેડ સ્ટિકર પેક્સ ડાઉનલોડ કરવાનો વિકલ્પ મળશે. એપમાં અત્યારે આ ફીચર આવવાના સમાચાર છે.
હાલ વોટ્સએપ પહેલાવાળા ઓપ્શનને રોલઆઉટ કરવા પર કામ કરી રહ્યું છે, એટલે કે સિલેક્ટેડ યુઝર્સ એનિમેટેડ સ્ટિકર્સ જોઈ શકશે. હાલ વોટ્સએપ એનિમેટેડ સ્ટિકર્સ વિશે કંપની તરફથી કોઈ જાણકારી મળી નથી. WABetaInfoનું કહેવું છે કે, હાલ એ કહેવું મુશ્કેલ છે કે કયા યુઝર માટે આ ફીચર ઈનેબલ કરવામાં આવશે. આવનારા દિવસોમાં એનિમેટેડ સ્ટિકર સપોર્ટ આવવા અંગે જાણકારી મળવાની આશા છે.