આપણે બધા જાણીએ છીએ કે WhatsApp સૌથી વધારે પસંદ કરાતુ મેસેજિંગ પ્લેટફોર્મ છે. આ પ્લેટફોર્મ સમયે-સમયે અપડેટ થાય છે તેથી લોકો તેને વધુ પસંદ કરે છે.
WhatsApp સૌથી વધારે પસંદ કરાતુ મેસેજિંગ પ્લેટફોર્મ
WhatsApp પોતાના યુઝર્સને કરાવશે વધુ આકર્ષક અનુભવ
ટૂંક સમયમાં WhatsApp પર આવી રહ્યાં છે ધમાકેદાર ફીચર્સ
અપકમિંગ ફીચર્સ WhatsApp ટૂંક સમયમાં કરશે લોન્ચ
પોતાના યુઝર્સના અનુભવને વધુ આકર્ષક બનાવવા માટે વ્હોટ્સએપ ઘણાં રસપ્રદ ફીચર્સ પર કામ કરી રહ્યું છે. મેસેજિંગ એપ ટૂંક સમયમાં સિલેક્ટેડ યુઝર્સને થોડા ખાસ ફીચર્સ આપવા જઇ રહ્યું છે. જેનો ઉપયોગ કરી યુઝર્સને ઘણો ફાયદો થશે. તો આવો એક નજર નાખીએ એવા અપકમિંગ ફીચર્સ પર જે WhatsApp ટૂંક સમયમાં લોન્ચ કરી શકે છે.
Custom sticker
WhatsAppએ હાલમાં પોતાના વેબ યુઝર્સ માટે Custom sticker ફીચર ટૂલ રજૂ કર્યુ હતુ. જે હેઠળ યુઝર્સ પોતાના ફોટોને સ્ટીકરમાં ફેરવી શકે છે. જોકે, હજુ સુધી આ ફીચર મોબાઈલ યુઝર્સ માટે તૈયાર કરવામાં આવ્યું નથી. પરંતુ કંપની ટૂંક સમયમાં સ્ટીકર ટૂલને પોતાના એન્ડ્રોઈડ અને iOS યુઝર્સ માટે લોન્ચ કરી શકે છે.
WhatsApp Hide Status
WhatsApp પોતાના પ્લેટફોર્મ પર એક નવુ ફીચર જોડવાની તૈયારી કરી રહ્યું છે. જેની મદદથી યુઝર્સ કેટલાંક ખાસ લોકોથી પોતાનું સ્ટેટસ છુપાવી શકશે. આ ફીચરનો ઉપયોગ કર્યા બાદ તમારા ફોનના નંબરોની યાદીના ફક્ત એવા લોકો તમારું સ્ટેટસ જોઈ શકશે, જેને તમે મંજૂરી આપી હશે.
Fast Playback for Voice Note
WhatsApp ફોરવર્ડ કરવામાં આવેલા વોઈસ નોટને સ્પીડ આપવાની સુવિધા પર પણ કામ કરી રહ્યું છે. યુઝર વૉઈસ મેસેજ દ્વારા સ્પીડને 1.5X વધારીને સ્પીડ લાવી શકે છે. WhatsApp હવે યુઝર્સને મોકલેલા વૉઈસ નોટ્સને સ્પીડ આપશે. WhatsApp ફોરવર્ડ કરવામાં આવેલા વૉઈસ મેસેજ પર નવુ પ્લેબેક બટન લાવવા માટેના ફીચર પર કામ કરી રહ્યું છે.
Delete For Everyone Time Limit
WhatsApp ડિલીટ મેસેજ ફોર એવરીવન ફીચરની સમય મર્યાદા વધારવા માટે કામ કરી રહ્યું છે. અત્યારે યુઝર્સ મેસેજ મોકલ્યાના 1 કલાક બાદ ડિલીટ કરી શકે છે. પરંતુ હવે વ્હોટ્સએપ એક અઠવાડિયા બાદ મેસેજને ડિલીટ કરવાની સુવિધાનું ટેસ્ટિંગ કરી રહ્યું છે. વ્હોટ્સએપ ડિલીટ મેસેજ ફીચર માટે સમય હટાવવાના ઓપ્શન પર પણ વિચાર કરી રહ્યું છે.