IPLIN
 

પ્રતિક્રિયા / Whatsapp એ રાતોરાત કર્યો એવો ફેરફાર કે યુઝર્સ ભડકી રહ્યાં છે, જાણો સમગ્ર મામલો

Team VTV 06:20 PM, 05 Mar 20
Follow us
Whatsapp Users Are Not Happy With Latest Dark Mode Feature

વોટ્સએપે ડાર્ક મોડ ફીચર યુઝર્સ માટે રોલઆઉટ કરી દીધું છે પણ ઘણાં યુઝર્સને તેનો લુક પસંદ આવ્યો નથી. છેલ્લા ઘણાં સમયથી યુઝર્સ આ ફીચરની રાહ જોઈ રહ્યાં હતા અને કંપની તેનું બીટ વર્ઝનમાં ટેસ્ટ કરી રહી હતી. આ ફીચર iOS અને એન્ડ્રોઈડ બંને પ્લેટફોર્મ પર આવી ગયું છે. ટ્વિટર પર યુઝર્સ આ ફીચરને લઈને પ્રતિક્રિયા આપી રહ્યાં છે. કેટલાકને આ ફીચર પસંદ આવ્યું તો કેટલાક યુઝર્સ ભડકી ગયા છે.

  • વોટ્સએપે ડાર્ક મોડ ફીચર યુઝર્સ માટે રોલઆઉટ કરી દીધું
  • ઘણાં યુઝર્સને તેનો લુક પસંદ આવ્યો નથી
  • યુઝર્સ આપી રહ્યાં છે આવી પ્રતિક્રિયા

જો હજી સુધી વોટ્સએપનું ડાર્ક ફીચર તમારા મોબાઈલમાં નથી તો આગામી 2 દિવસમાં આવી જશે. તેના માટે તમારા ફોનમાં વોટ્સએપનું લેટેસ્ટ વર્ઝન હોવું જરૂરી છે. એપ ડેવલપર્સનું કહેવું છે કે ડાર્ક ફીચર માટે દુનિયાભરના યુઝર્સે સૌથી વધુ રિક્વેસ્ટ કરી હતી. જેને રોલઆઉટ કરવામાં કંપનીને સમય લાગી ગયો. જોકે, આ પહેલાંથી જ એપ પર અવેલેબલ છે પરંતુ વોટ્સએપ યુઝર્સને બેસ્ટ સેટિંગ આપવા માંગતુ હતું. 

મળી અઢળક ફરિયાદ

ઘણાં યુઝર્સને આ નવું ફીચર પસંદ આવી નથી રહ્યું. ડાર્ક મોડ ફીચર ચેટ ઓપન ન કરીએ ત્યારે જ સારું લાગે છે. એક યુઝરે ટ્વિટર પર લખ્યું, વોટ્સએપ ડાર્ક મોડ એન્ડ્રોઈડ પર સાવ બેકાર લાગે છે. ઘણાંને થીમનું કલર અને ચેટ બબલ્સ પસંદ ન આવ્યા. જ્યારે કેટલાકે વોટ્સએપની અસરને લઈને ફરિયાદ કરી. 

આ કારણથી ડાર્ક મોડ સારું છે

એપ પર ડાર્ક મોડની મદદથી મેસેજ વાંચતી વખતે આંખોને થાક લાગશે નહીં. યુઝર જરૂર પ્રમાણે ડાર્ક મોડ ઓન ઓફ કરી શકે છે. આમાં બ્લેક બેકગ્રાઉન્ડમાં ડાર્ક ગ્રે ટેક્સ્ટ જોવા મળે છે. પહેલાં બેકગ્રાઉન્ડ વ્હાઈટ અને ટેક્સ્ટ ડાર્ક હતા. જેથી અંધારામાં યુઝર્સને પરેશાની થતી હતી કારણ કે તેમાંથી વધારે પ્રમાણમાં લાઈટ બહાર આવતી હતી. પણ ડાર્ક મોડ નાઈટ ચેટિંગ માટે બેસ્ટ છે. ડાર્ક મોડમાં ફોનની સ્ક્રીમ ઓછાં પિક્સરનો ઉપયોગ કરે છે. જેના કારણે બેટરી પણ ઓછી વપરાય છે. 

Users WhatsApp Update WhatsApp Dark Mode dark theme in whatsapp Tech News
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ