વોટ્સએપ યુઝર્સ ઉપર મોટો ખતરો તોડાઈ રહ્યો છે. યુઝર્સને વોટ્સએપના ફેક વર્ઝન માટે એલર્ટ કરવામાં આવી રહ્યાં છે. વોટ્સએપથી જોડાયેલા સમાચારો અને અપડેટને ટ્રેક કરનાર વેબસાઈટ WABetaInfoએ વોટ્સએપના મોડિફાઈડ વર્ઝન માટે એક ચેતવણી જારી કરી છે. WABetaInfoએ એક ટ્વિટ કરીને યુઝર્સને વોટ્સએપનું મોડિફાઈડ વર્ઝનનો ઉપયોગ કરવાની મનાઈ કરી છે.
વોટ્સએપ યુઝર્સ માટે કામના સમાચાર
વોટ્સએપ યુઝર્સ ઉપર મોટો ખતરો તોડાઈ રહ્યો છે
યુઝર્સને વોટ્સએપના ફેક વર્ઝન માટે એલર્ટ કરવામાં આવી રહ્યાં છે
Good post: using a modded WhatsApp version is never a solution for your privacy and security.
WABetaInfoએ લખ્યું- વોટ્સએપનું મોડિફાઈડ વર્ઝન સિક્યોરિટી અને પ્રાઈવેસીની દ્રષ્ટિએ સારું સોલ્યુશન નથી. વોટ્સએપનું મોડિફાઈડ વર્ઝન આકર્ષક તો લાગી શકે છે પરંતુ તે એટલું પણ સારું નથી કે ફ્રોડ અને પ્રાઈવેસીનો ખતરો ઉઠાવી શકાય.
મોડિફાઈડ વોટ્સએપ દ્વારા હેકર્સ સરળતાથી યુઝર્સનો ડેટા ચોરી શકે છે. આ ફેક વોટ્સએપ ડેવલપર્સ મેન ઈન ધ મિડલ અટેકથી હેકર્સ ડેટા ચોરી કરી શકે છે. આ અટેકની મદદથી હેકર સોફ્ટવેરને એડિટ કરીને ચેટિંગ એક્સેસ કરી શકે છે અને મેસેજ વાંચી શકે છે અને તેને એડિટ પણ કરી શકે છે.
અકાઉન્ટ બેન થવાનો ખતરો
જારી કરાયેલી વોર્નિંગમાં એવું પણ જણાવવામાં આવ્યું છે કે, વોટ્સએપના મોડિફાઈડ વર્ઝનને કંપનીએ વેરિફાઈ કર્યું નથી. સાથે જ જો કોઈ યુઝર આનો ઉપયોગ કરે છે તો તેનું વોટ્સએપ એકાઉન્ટ બેન થઈ શકે છે. ઘણીવખત યુઝર્સ વધુ ફીચર્સની લાલચમાં ઓરિજિનલની જગ્યાએ ફેક વર્ઝનનો ઉપયોગ કરવાનું શરૂ કરી દે છે. જે સિક્યોરિટીની દ્રષ્ટિએ સારું નથી.