વોટ્સએપ વિશ્વની સૌથી લોકપ્રિય મેસેજિંગ એપ્સમાંથી એક છે. પોતાના યુઝર્સના આનંદને જાળવી રાખવા માટે વોટ્સએપ સમય મુજબ નવી અપડેટ જાહેર કરતુ રહે છે. જેના દ્વારા પ્લેટફોર્મ પર ઘણાં સારા નવા ફીચર્સ લઇને આવે છે.
WhatsApp એ વોઇસ નોટ ફિચર્સમાં કર્યો મોટો ફેરફાર
બીટા વર્ઝનના કેટલાંક ખાસ ટેસ્ટર્સ માટે નવી અપડેટ કરી જાહેર
એન્ડ્રોઈડ 2.21.13.17 ના વોટ્સએપના બીટા વર્ઝન માટે જાહેર કર્યુ
WhatsApp ના વૉઈસ નોટ ફીચરમાં આવ્યો આ ફેરફાર
હાલમાં વોટ્સએપે પોતાના બીટા વર્ઝનના કેટલાંક ખાસ ટેસ્ટર્સ માટે પોતાના વોઈસ નોટ ફીચરની નવી અપડેટ જાહેર કરી છે. તાજેતરમાં સામે આવેલા આ રિપોર્ટમાં સામે આવ્યું છે કે વોટ્સએપ પોતાના વોઈસ નોટ ફીચર્સ માટે એક નવુ લેઆઉટ લઇને આવ્યું છે. હવે ચેટ બબલ્સ માટે વોઈસ વેવફોર્મ્સ આવશે. જે અવાજની ફ્રિકવન્સી પ્રમાણે ઉપર-નીચે થશે. ઉલ્લેખનીય છે કે, વોટ્સએપના આ નવા અપડેટની સૂચના WABetaInfo તરફથી આવી છે.
આ યુઝર્સને મળ્યું છે ફીચર
જો તમે વિચારી રહ્યાં છો કે વોટ્સએપે આ ફીચરને કયા યુઝર્સ માટે જાહેર કર્યુ છે તો અમે તમને જણાવીએ કે વોટ્સએપે આ લેઆઉટને એન્ડ્રોઈડ 2.21.13.17 ના વોટ્સએપના બીટા વર્ઝન માટે જાહેર કર્યુ હતુ. પરંતુ તે થોડા સમય માટે હતુ. નવી અપડેટ બાદ ડિસેબલ કરી દેવામાં આવ્યું હતુ. વોટ્સએપે ફરીથી 4 ડિસેમ્બરે આ લેઆઉટને વોટ્સએપ બીટાના એન્ડ્રોઈડ અને iOS ટેસ્ટર્સ માટે રિલીઝ કર્યુ છે.
કેવીરીતે થશે આ ફેરફાર
WABetaIfo પર આવેલી માહિતી કહે છે કે કેટલાંક ખાસ બીટા ટેસ્ટર્સને ચેટ બબલ્સમાં વેવફોર્મ્સ દેખાઈ દેશે. પરંતુ આવુ દરેક વખતે નહીં થાય. જાણકારી મુજબ, તમને આ વેવફોર્મ્સ ત્યારે જ દેખાશે જ્યારે તમારા વોટ્સએપ એકાઉન્ટ પર આ ફીચર એનેબલ થયુ હશે. પરંતુ તેમ છતાં તમને જો કોઈ એવા એકાઉન્ટમાંથી વોઈસ નોટ આવે છે, જેના એકાઉન્ટમાં આ ફીચર અપડેટ નથી કે પછી તે વોટ્સએપના જૂના વર્ઝનનો ઉપયોગ કરી રહ્યો છે ત્યારે પણ આ વેવફોર્મ્સ જોવા મળશે નહીં.