ખુશખબર / વોટ્સએપના નવા અપડેટે યુઝર્સને કર્યા ખુશ! Forwarded Messages માંથી મળશે આ રીતે છૂટકારો

• વોટ્સએપના નવા અપડેટથી યુઝર્સ આવી ગયા ગેલમાં
• WhatsAppના ફોરવર્ડેડ મેસેજથી તમે છૂટકારો મેળવી શકશો
• તમે એક મેસેજને એક વખતમાં ફક્ત એક જ ગ્રુપ ચેટમાં મોકલી શકશો

WhatsAppના Forwarded Messages માંથી મળશે છૂટકારો 

આ અપડેટથી વોટ્સએપના ફોરવર્ડેડ મેસેજથી તમે છૂટકારો મેળવી શકશો. WABetaInfoના હિસાબથી વોટ્સએપે તેના અમુક ખાસ યુઝર્સ માટે એક નવુ અપડેટ જાહેર કર્યુ છે, જેનાથી યુઝર્સ ફોરવર્ડેડ મેસેજમાંથી છૂટકારો મેળવી શકશો. આ અપડેટથી તમે એક મેસેજને, એક વખતમાં ફક્ત એક જ ગ્રુપ ચેટમાં મોકલી શકશો. આવો જાણીએ આ નવુ અપડેટ કેવીરીતે કામ કરે છે અને કયા યુઝર્સ તેનો ફાયદો ઉઠાવી શકે છે. 

આ રીતે કામ કરશે નવુ ફીચર  

WABetaInfo તરફથી મળેલા સ્ક્રીનશોટ્સના હિસાબ પ્રમાણે જો તમે એક મેસેજને એક ગ્રુપ ચેટમાં ફોરવર્ડ કરી ચૂક્યા છો તો તમે તેને બીજી ચેટ્સમાં એકસાથે મોકલી શકશો નહીં. જો તમે એકથી વધુ ચેટ્સમાં આ મેસેજને મોકલવા માંગો છો તો તમારે દરેક ગ્રુપ ચેટ માટે અલગથી સિલેક્ટ કરવુ પડશે. એક વખતમાં એકથી વધુ ચેટ્સને જો તમે મેસેજ મોકલવાનો પ્રયાસ કરશો તો તમે સ્ક્રીન પર WhatsApp તરફથી એક મેસેજ બતાવવામાં આવશે જેમાં લખેલુ હશે કે ફોરવર્ડેડ મેસેજને એક જ ગ્રુપ ચેટમાં મોકલી શકો છો. 

કેવીરીતે મળશે આ ફીચર 

ઉલ્લેખનીય છે કે, આ ફીચરને અત્યારે વોટ્સએપે પોતાના બીટા યુઝર્સ માટે જાહેર કર્યુ છે. WhatsApp beta for Android 2.22.7.2 માટે આ ફીચરને જાહેર કરવામાં આવ્યું છે અને હવે તેને WhatsApp beta for iPhone 22.7.0.76 માટે પણ રોલઆઉટ કરાઈ રહ્યું છે.