Whatsapp પર આવનાર આ 5 જોરદાર ફીચર્સથી બદલાશે ચેટિંગનો અંદાજ

વોટ્સએપની વધતી પોપ્યુલેરિટીથી આવનારા દિવસોમાં એમાં નવા નવા ફીચર્સ લોન્ચ કરવામાં આવી રહ્યા છે. કેટલાક રિપોર્ટ્સમાં જણાવવામાં આવ્યું છે કે Whatsapp જલ્દી 5 નવા અને રસપ્રદ ફીચર્સ લાવવાનું છે. રિપોર્ટ પ્રમાણે હાલ આ ફીચર્સનું Beta વર્ઝન આવ્યું છે અને ડલ્દીથી દરેક યૂઝર્સ માટે નવી આપડેટ આવી જશે. આ ફીચર્સમાં ડાર્ક મોડ પ્રાઇવેટ રિપ્લાઇ વેકેશન મોડ લિંક્ડ સોશિયલ મીડિયા અકાઉન્ટ્સ ઇનલાઇન ઇમેજ અને સાઇલેન્ટ મોડ સામેલ છે. 

WhatsApp Group Invitation
આ ફીચરના લોન્ચ થયા બાદ તમે જે ગ્રુપમાં એડ થવા ઇચ્છો છો એ ગ્રુપમાં એડ થઇ શકો છો. WAbetaInfoથી મળતી માહિતી અનુસાર હાલ આ ફીચરને iOS beta યૂઝર્સ માટે ઉપલબ્ધ કરાવવામાં આવી છે અને આશા છે કે જલ્દીથી આ એન્ડ્રોઇડ યૂઝર્સ માટે લોન્ચ કરવામાં આવશે. આ ફીચરની સૌથી ખાસ વાત એ છે કે જ્યારે પણ તમારા કોઇ મિત્ર તમને કોઇ ગ્રુપમાં એડ કરશે તો તમને એની નોટિફિકેશન આવશે. જણાવી દઇએ કે આ નોટિફિકેશન એક ઇન્વિટેશન રિક્વેસ્ટ હશે જેને તમે 72 કલાકની અંદર એક્સેપ્ટ અથવા રિજેક્ટ કરી શકો છો. 

Fingerprint lock for chats
Whatsappનું આ ફીચર iOS યૂઝર્સ માટે લોન્ચ કરી દેવામાં આવ્યું છે પરંતું એન્ડ્રોઇડ યૂઝર્સ માટે આ ફીચર હજુ પણ બીટા વર્ઝનમાં છે. આ નવા ફીટરનો ફાયદો એ હશે કે Whatsapp તમારો જોઇને અથવા ફિંગરપ્રિન્ટથી જ ઓપન થઇ જશે. આશા છે કે આ ફીચક જલ્દી એન્ડ્રોઇડ યૂઝર્સ માટે પણ લોન્ચ કરવામાં આવશે. 

Dark Mode Feature
આ ફીચર ઓન કરતાં જ વોટ્સએપ પર બેકગ્રાઉન્ડ કલર બ્લેક થઇ જશે. એનાથી યૂઝર્સ લાંબા સમય સુધી કોઇ ટેન્શન વગર વોટ્સએપ પર ચેટિંગ કરી શકશો અને એની આંખો પર કોઇ ખરાબ અસર પણ થશે નહીં. આ ફીચરને લઇને WaBetaInfo ઘણી વખત ટ્વિટ કરી ચુક્યું છે. મળતી માહિતી અનુસાર હાલ આ ટેસ્ટિંગ સ્ટેજ પર છે અને જલ્દીથી તમામ યૂઝર્સ માટે ઉપલબ્ધ કરાવવામાં આવશે. 

Audio message Redesign
વોટ્સએપ ઓડિયો ફાઇલ મોકલવાની રીતને બદલવાનું કામ કરી રહ્યું છે. એમાં ઓડિયો ફાઇલનો ઓડિયો પ્રિવ્યૂ અને ઇમેજ પ્રિવ્યૂ જોવા મળશે. WaBetaInfoની જાણકારી પ્રમાણે આ એન્ડ્રોઇડ એપ બીટા વર્જન 2.19.1માં મોજૂદ છે જેનાથી એક વખતમાં વધારેમાં વધારે 30 ઓડિયો મેસેજ પણ મોકલી શકાશે. 

Vacation Mode ફીચર
જેવી રીતે નામથી જાણવા મળી રહ્યું છે કે જો તમે રજામાં ક્યાંય બહાર છો અથવા ફરવા જાવ છો અને વોટ્સએપની રિંગટોનથી પોતાને દૂર રાખવા ઇચ્છો છો ત્યારે આ કામ ખૂબ જ કામનું સાબિત થશે. એનાથી તમે કોઇ પણ ડિસ્ટબન્સ વગર તમારું વેકેશન શાંતિથી માણી શકશો. હાલ એન્ડ્રોઇડ અને આઇઓએસ બંને પ્લેટફોર્મ માટે આ ફીચરનું ટેસ્ટિંગ ચાલી રહ્યું છે.