અનેક વાર એવું થાય છે કે કાશ ફેસબુક મેસેજિંગ એપની સુવિધા વોટ્સએપમાં પણ મળતી અને તેના મેસેજને પણ શિડ્યુલ કરી શકાતા. તો તેનાથી યૂઝર્સને સરળતા મળી શકે. હવે આ રીતની મદદથી તમે તમારા વોટ્સએપ મેસેજને પણ શિડ્યુલ કરી શકો છો. જાણી લો સરળ પ્રોસેસ.
વોટ્સએપ મેસેજને પણ કરી શકાશે શિડ્યુલ
સરળ છે મેસેજને શિડ્યુલ કરવાની રીત
જાણી લો સિમ્પલ પ્રોસેસ અને કામને બનાવો સરળ
અનેકવાર એવું બને છે કે કોઈ ખાસ વ્યક્તિનો જન્મદિવસ હોય છે અને તેના કારણે રાતે 12 વાગે બર્થડે વિશ કરવા માટે જાગવું પડે છે. જો એપમાં ફીચર પહેલેથી હોય તો તમે મેસેજને સેટ કરી શકો છો અને આરામથી સૂઈ શકો છો.
થર્ડ પાર્ટી એપની મદદથી મળશે આ સુવિધા
ભલે વોટ્સ્એપમાં આ ફીચર નથી પરંતુ અમે તમારી સમસ્યાનું સમાધાનની એક રીત બતાવીશું. મેસેજ શિડ્યુલ કરવા માટે તમે થર્ડ પાર્ટી એપની મદદથી વોટ્સએપ એકાઉન્ટને એક્સેસ કરીને મેસેજને શિડ્યુલ કરવાની સુવિધા મેળવી શકો છો.
આ પ્રોસેસથી કરી લો મેસેજને વોટ્સએપ પર શિડ્યુલ
સૌ પહેલાં ગૂગલ પ્લે સ્ટોરથી SKEDit એપને ડાઉનલોડ કરો.
એપ ઓપન કરો અને એકાઉન્ટને સેટઅપ કરો.
ત્યારબાદ સાઈન ઈન કરો.
હવે મેન્યૂમાં જઈને વોટ્સએપ પર ટેપ કરો.
એપ તમારી પાસે પરમિશન માંગશે. ત્યારબાદ વ્યક્તિના નામ પર ટેપ કરો અને મેસેજ શિડ્યુલ કરો. યૂઝરને સિલેક્ટ કર્યા બાદ મેસેજ ટાઈપ કરો અને શિડ્યુલની તારીખ અને સમય સેટ કરો.
Ask me Before sending બટનનો ઓપ્શન મળશે. આ વિકલ્પને ઓન કરીને શેડ્યુલ મેસેજ મોકલતા પહેલા એપ તમને નોટિફાઈ કરશે. તેને ઓન ન કરો. એપ જાતે જ મેસેજ મોકલી દેશે.