જ્યારે વ્હોટ્સએપની વાત આવે છે ત્યારે આ મેસેજિંગ એપનો ઉપયોગ વિશ્વભરના લોકો કરે છે. કારણકે આ યુઝર્સને એકબીજા સાથે જોડવાનું કામ કરે છે. જો મિત્ર, સંબંધી અથવા પરિવારજનો કશું કહેવા માંગતા હોય તો તેઓ તાત્કાલિક વ્હોટ્સએપ પર મેસેજ મોકલી દે છે.
સૌથી પહેલાં ફોટાને ડોક્યુમેન્ટમાં બદલો અને પછી શેર કરો
ફોટોને ઓરિજનલ ક્વોલિટીમાં મોકલવા શું કરશો?
જો તેઓ ફક્ત એક ફોટો અથવા વીડિયો દર્શાવવા માંગતા હોય તો વ્હોટ્સએપ એક સુવિધાજનક પદ્ધતિ છે. જો આપણે તસ્વીર અંગે વાતચીત કરી રહ્યાં છે તો કદાચ જોયુ હશે કે જ્યારે તમે વ્હોટ્સએપ પર કોઈને ફોટો મોકલો છો તો તે હંમેશા તે ક્વોલિટીમાં જ દેખાશે, જે ક્વોલિટીમાં તમે મોકલ્યુ છે. જ્યારે આપણે આપણા ફોનના કેમેરામાંથી કોઈ ફોટો ખેંચીને મોકલીએ છીએ તો તેની ક્વોલિટી ખરાબ થઈ જાય છે. હવે અમે તમને જણાવીએ છીએ કે કેવીરીતે તમે ફોટોને ઓરિજનલ ક્વોલિટીમાં મોકલી શકો છો.
સૌથી પહેલાં ફોટોને ડોક્યુમેન્ટમાં બદલો
કોઈ પણ ફોટોને ડોક્યુમેન્ટમાં બદલવા અને પછી તેને વ્હોટ્સએપ પર કોઈને શેર કરવાની સૌથી સરળ પદ્ધતિ છે. આ ટેકનોલોજી સરળ અને પ્રભાવી બંને છે. જેનાથી ફોટોની ક્વોલિટી ખરાબ થતી નથી.
ડોક્યુમેન્ટ ઓપ્શન પર જાઓ
સૌથી પહેલાં એવા વ્યક્તિના વ્હોટ્સએપ ચેટમાં જાઓ, જેને તમે ફોટો મોકલવા માંગો છો. પછી તમે ક્લિપના નિશાન પર ક્લિક કરો અને ડોક્યુમેન્ટના ઓપ્શનને સિલેક્ટ કરો. પછી ફોટો વગરની ફાઈલ જોવા મળશે.
બ્રાઉઝ, સિલેક્ટ અને સેન્ડ
હવે આપવામાં આવેલા વિકલ્પમાંથી અન્ય ડૉક્સ બ્રાઉઝ સિલેક્ટ કરો. ત્યારબાદ ઓરિજનલ ક્વોલિટીમાં કોઈ પણ ફોટો સિલેક્ટ કરો અને જેને તમે મોકલવા માંગો છો તેને મોકલી દો. હવે ફોટો રિસીવ કરનારને ઓરિજનલ ક્વોલિટીમાં મળશે.