Alert / ધ્યાન રાખજો ! WhatsApp પર સુરક્ષિત નથી તમારો ડેટા, આ ડિટેઈલ પર કંપની રાખે છે નજર

• WhatsApp પર સુરક્ષિત નથી તમારો ડેટા
• તમારા ડેટા પર કંપની રાખે છે નજર
• આ ડેટા કંપની ફક્ત પોલીસને જ આપે છે

વોટ્સએપ પણ અન્ય પ્લેટફોર્મની જેમ ડેટા સ્ટોર કરે છે!

કંપની તરફથી કરવામાં આવેલા દાવા અને હકીકતમાં ઘણો ફરક છે. રિપોર્ટ મુજબ, વોટ્સએપ પણ અન્ય પ્લેટફોર્મની જેમ તમારો ડેટા સ્ટોર કરે છે. આવો જાણીએ કેવીરીતે થાય છે આ ખેલ. રિપોર્ટ મુજબ, વોટ્સએપ તેના પ્લેટફોર્મ પર હાલના યુઝર્સનો ડેટા કોઈ પણ ફરિયાદના સમાધાન અથવા પછી કોઈ યુઝર્સ દ્વારા કંપનીની પૉલિસીનું ઉલ્લંઘન કરતા બ્લોક કરવા માટે કરવામાં આવે છે. 

આ ડેટા રાખવામાં આવે છે 

જાણકારી મુજબ, વોટ્સએપ તેના યુઝર્સ સાથે જોડાયેલી અંગત માહિતીને સેવ રાખે છે. જેમકે તમે કયા-કયા ગ્રુપમાં સામેલ છો અથવા સામેલ હતા. તમારુ નામ અને તમારો ફોન નંબર શું છે, તમારા બધા કોન્ટેક્ટ નંબર, તમારી દરેક એક્ટિવિટી હિસ્ટ્રી, તમારું પ્રોફાઈલ પિક્ચર, તમારા દ્વારા બ્લોક કરવામાં આવેલા યુઝર્સ અને તમારા ડિવાઈસની આઈપી આઈડી વગેરે. જો કે, રાહતની વાત એ છે કે વોટ્સએપ મેસેજને સ્ટોર કરતો નથી.

માહિતી કોને આપી શકે?

રિપોર્ટ મુજબ, વોટ્સએપ પોતાના પ્લેટફોર્મ પર વોટ્સએપ રિકવેસ્ટ ઈન્ફોર્મેશન હેઠળ તેને સ્ટોર કરે છે. કંપની આ બધા ડેટાને એવી સ્થિતિમાં ફક્ત પોલીસને જ આપે છે, જ્યારે તમારા વિરુદ્ધ કોઈ તપાસ ચાલી રહી હોય અને પોલીસ કંપનીને આપવાની વિનંતી કરે. અહીં એક વાત સ્પષ્ટ કરવી જરૂરી છે કે મેસેજને લઇને કંપનીની પૉલિસી સ્પષ્ટ છે. તે ક્યારેય સ્ટોર કરતી નથી અને તેને શેર પણ કરતી નથી.